←  1Chronicles (15/29)  →
1. Tin, Davida chuan Davida khawpiah chuan inte a sa a; tin, pathian bawm awmna hmun a buatsaih a, puan in a zarsak a.
2. Tichuan Davida'n, "Pathian bawm hi Levi-ho chauh lo chuan tuma'n an zawn tur ani lo e; pathian bawm hi kumkhuaa zawntu leh a rawngbawltu atana LALPA thlan an ni e," a ti a
3. Tin, Davida'n LALPA bawm a dahna tur hmun a buatsaihnaa zawn chho turin Jerusalem-ah Israel-ho zawng zawng chu a khawm a.
4. Tin, Davida'n Arona fate leh Levi-ho a khawm a;
5. Kohatha thlahte zinga mi, puipa ber Uriela, a unaute nen za leh sawm hnih;
6. Meraria thlahte zinga mi, puipa ber Asaia, a unaute nen zahnih leh sawmhnih;
7. Gersoma thlahte zinga mi, puipa ber Joela, a unaute nen za leh sawmthum;
8. Elizaphana thlahte zinga mi, puipa ber Semaia, a unaute nen zahnih,
9. Hebrona thlahte zinga mi, puipa ber Eliela, a unaute nen sawmriat;
10. Uziela thlahte zinga mi, puipa ber Aminadaba, a unaute nen za leh sawm leh pahnih.
11. Tin, Davida'n puithiam Zadoka leh Abiathara leh Levi-ho, Uriela te, Asaia te, Joela te, Semaia te, Eliela te, Aminadaba te a ko a,
12. an hnenah, "Nangni hi Levi-ho puipa berte in ni a; Israelte Pathian , LALPA bawm chu a hmun ka buatsaiha in zawn choh theihna'n nangni hi in unaute nen intithianghlim rawh u.
13. Atirah pawh kahn nangnin in zawn loh avangin LALPA kan Pathianc ukan chungah a tuan anih kha, thupek angin kan lo ti ta lo va ni," a ti a.
14. Chutichan Israelte Pathian LALPA bawm chu zawn chho tur chuan pithaimte leh Levi-hote chu an intithianghlim a.
15. Tin, LALPA thupek Mosia'n a sawi ang khan Levia thalhte chuan bawm chu a zawnfung chuan an zawn ta a.
16. Tin, Davida'n Levi-ho pipate chu an unaute zinga mi hla sa mite, til tum rik mi perhkhuang te, tingtang te, darbenthekte nena ring taka leh hlim taka hla sa turin a ruattir a.
17. Chutichuan Levi-ho chuan Joela fapa Hemana te, a unaute zinga mi Berekia fapa Asapha te, an unau Meraria fapate zinga mi Kusaia fapa Ethana tean ruat a.
18. Tin, an unaute zinga mi Zekaria te, Bena te, Jaazeiela te, Semiramotha te, Jehiela te, Unia te, Eliaba te, Benaia te, Maaseia te; Matithia te, Eliphelehua te, Mikneia te, kawngkhar vengtu Obed-edoma leh Jeiela te nen an ruat bawk a.
19. Chutichuan hla satuho Hemana te, Asapha te, Ethana te, chu darbenthek ring taka beng tura ruat an ni a;
20. tin, Zekaria te, Aziela te, Semiramotha te, Jehiela te, Unia te, Eliaba te, Maaseia te, Benaia te chu perhkhuangte nena Alamoth sa tura ruat an ni a;
21. tin, Matithia te, Eliphelehua te, Mikenia te, Obed-edemoan te Jeiela te, Azazia te chu tingtangte nena Seminit saa hma hruai tura ruat an ni.
22. Tin, Levi-hi puipa Kenania chu hla sa hotu a ni a, a thiam avangin hla hruaitu ber a ni.
23. Tin, Berekia leh Elkana chu bawm veng veltu an ni.
24. Tin, puithiamho Sebania te, Josaphata te, Nethanela te, Amasaia te, Zekaria te, Benaia te, Eliezera ten Pathian bawm hmaah chuan tawtawrawt an tum a; tin, Obed-edoma leh Jehia chu bawm veng veltu an ni bawk a.
25. Chutichuan Davida leh Israel upaho leh sipai sang otute Obed-edoma ina mi LALPA thuthlunan bawm chu zuk la chho turin hlim takin an kal ta a;
26. tin, heti hi a ni a, LALPA thuthlunna bawm zawntu Levi-hote chu Pathianin a tanpi a, sebawngpa pasarih leh berampa pasarihin an inthawi a.
27. Tin, Davida leh bawm zawntu Levi-ho zawng zawng leh, hla satute leh hla sa hotu Kenania te chu puan zai sinin an inthuam a, Davida chuanpuan zai sin puithiam kawr a ha bawk a.
28. Chutichuan Israel mi zawng zawngte chuan au dur dur chung leh tawtawrawt i nei leh tawtawrawt ham ruai ruai leh darbenthek te, perhkhuang te, tingtangte nena ri bung bungin LALPA thuthluna bawm chu an la chho ta a.Tin, heti hi a ni a, LALPA thuthlunna bawm Davida khuaa a lu lai chuan, Saual fanu Mikali chuan tukverh atangin a lo thlir a, lal Davida lama zuang chua han hmu a, a hmusit rilru ta a.
29. Tin, heti hi a ni a, LALPA thuthlunna bawm Davida khuaa a lu lai chuan, Saual fanu Mikali chuan tukverh atangin a lo thlir a, lal Davida lama zuang chua han hmu a, a hmusit rilru ta a.
←  1Chronicles (15/29)  →