←  Psalms (81/150)  →

---

1.

Радувајте се во Бога, нашиот помошник, воскликнете кон Бога Јаковов;

2.

запејте песна, удрете во тимпан, во милозвучно гусле со псалтир;

3.

затрубете со труба во новомесечје, во определено време, во денот на вашиот празник,

4.

зашто тоа е закон за Израилот, наредба од Бога Јаковов.

5.

Он го установи тоа како сведоштво за Јосифа, кога тој излезе од Египетската земја, каде што чу јазик, што не го знаеше:

6.

"Јас го симнав товарот од рамениците негови, и му ги ослободив рацете негови од кошницата.

7.

Во маката своја ти Ме повика, и Јас те избавив; при гром те чув, кај водите на Мерива те испитав.

8.

Чуј, народе Мој, и Јас ке ти посведичам, ако Ме послушаш, Израиле!

9.

Да немаш друг бог и да не му се клањаш на друг земен бог.

10.

Јас сум Господ, Бог твој, Кој те изведе од Египетската земја; отвори ја устата своја, и Јас ке ја исполнам.

11.

Но мојот народ не го послуша гласот Мој, и Израилот не Ми се поклони;

12.

затоа Јас ги оставив на нивните упорни срца; нека одат по мислите свои.

13.

О, да беше Ме послушал Мојот народ и Израилот да одеше по Моите патишта,

14.

веднаш ке ги смирев нивните непријатели и ке ја свртев раката Своја против оние што го оскрбуваа."

15.

Оние, што го мразат Господа, сакаа да Му се приближат, и нивното дружење би продолжило за секогаш;

16.

ке ги хранев со најдобра пченица и ке ги наситував со мед од камен.

---

←  Psalms (81/150)  →