←  Numbers (17/36)  →

---

1.

И му рече Господ на Мојсеја, велејки:

2.

"Кажи им на синовите Израилеви и земи од нив по еден жезал од колено, по еден жезал од секој нивни кнез, дванаесет жезла, и името на секој напиши го на жезалот;

3.

Ароновото име напиши го на Левиевиот жезал, зашто тие треба да дадат еден жезал, според племето на нивниот род,

4.

и стави ги во скинијата на сведоштвото, пред ковчегот на откровението, каде што ви се јавувам;

5.

и кого Јас ке го одберам, и неговиот жезал ке го расцутам; и така ке го отстранам ропотот на синовите Израилеви, што го креваат против вас."

6.

И им рече Мојсеј на синовите Израилеви, и сите началници нивни им дадоа, од секој началник по еден жезал, дванаесет жезла, според кнежествата свои и родовите нивни; и Ароновиот жезал беше ме у жезлата нивни.

7.

Тогаш Мојсеј ги постави жезлата пред лицето Господово во скинијата на сведоштвото.

8.

На врориот ден влезе Мојсеј и Арон во скинијата на сведоштвото, и ете, Ароновиот жезал, од Левиевиот дом, беше потерал, пуштил гранчиња, процутил и родил ореви.

9.

И ги изнесе Мојсеј сите жезли од лицето Господово пред сите синови Израилеви; и тие го видоа тоа и секој си го зеде својот жезал.

10.

И му рече Господ на Мојсеја: "Постави го пак Ароновиот жезал пред ковчегот на откровението да се чува, како претсказание за непокорените, па ропотот против Мене да престане и тие да не изумрат."

11.

И Мојсеј и Арон направија така, како што му заповеда Господ на Мојсеја, така направија.

12.

И му рекоа синовите Израилеви на Мојсеја: "Ете, ние се требиме, гинеме, исчезнуваме;

13.

секој, што се приближува кон скинијата на сведоштвото Господово, умира: дали ке изумреме така сите?"

---

←  Numbers (17/36)  →