Matthew (17/28)

← Matthew (17/28) →

По шест дни Исус ги зеде со Себе Петар, Јаков и неговиот брат Јован и ги изведе на висока гора, насамо.

И се преобрази пред нив, лицето Му болсна како сонцето, а Неговата облека стана бела како светлина.

И ете, им се јавија Мојсеј и Илија, и разговараа со Него.

А Петар одговори и Му рече на Исус: "Господи, убаво ни е тука; ако сакаш ќе направам три сеници: една за Тебе, една за Мојсеј и една за Илија."

Додека тој уште зборуваше, ете, ги засени светол облак, а глас од облакот велеше: "Овој е Мојот возљубен Син, Кој е по Мојата волја; слушајте Го Него!"

А кога учениците го чуја тоа, паднаа ничкум и многу се исплашија.

Исус се приближи до нив, ги допре и им рече: "Станете и не бојте се!"

А кога ги подигнаа своите очи, не видоа никого, туку само Исуса.

Додека слегуваа од гората, Исус им заповеда, велејќи: "Не кажувајте му никому за ова видение, додека Синот Човеков не воскресне од мртвите."

10.

А учениците Го прашаа, говорејќи: "Зошто тогаш закониците велат дека најнапред мора да дојде Илија?"

11.

А Тој им одговори, велејќи: "Навистина прво треба да дојде Илија и сè да возобнови.

12.

Но, ви велам, дека Илија веќе дојде и не го препознаа, туку со него направија сè што сакаа. Така и Синот Човеков ќе пострада од нив."

13.

Тогаш учениците разбраа дека им зборуваше за Јован Крстителот.

14.

Кога дојдоа кај народот, еден човек Му пристапи, падна на колена пред Него и рече:

15.

"Господи, смилувај му се на мојот син, зашто е месечар и се мачи многу, честопати паѓа во огнот и често во водата.

16.

Го доведов кај Твоите ученици, а тие не можеа да го исцелат."

17.

Исус му одговори и рече: "О, неверен и опак роде! До кога ќе бидам со вас? До кога ќе ве трпам? Доведете Ми го тука."

18.

И Исус го прекори, а демонот излезе од него, и момчето вчасум беше исцелено.

19.

Тогаш учениците дојдоа кај Исус насамо и рекоа: "Зошто ние не можевме да го истераме?"

20.

А Тој им рече: "Заради вашето неверие; зашто, вистина ви велам, ако имате вера колку синапово зрно, ќе и речете на оваа гора: 'Премести се оттука таму!', и ќе се премести. Ништо не ќе ви биде невозможно.

21.

А овој вид не излегува инаку туку преку молитва и пост."

22.

Додека беа собрани заедно во Галилеја, Исус им рече: "Синот Човеков ќе биде предаден во човечки раце,

23.

ќе Го убијат и на третиот ден ќе воскресне." А тие многу се нажалија.

24.

Кога дојдоа во Капернаум, собирачите на дводрахми, Храмовиот данок, му пристапија на Петар и му рекоа: "Зарем вашиот Учител не дава дводрахми?"

25.

Тој рече: "Дава." И кога влезе во куќата, Исус го испревари, велејќи: "Што мислиш, Симоне, земните цареви од кого земаат царина или данок, од своите синови или од туѓите?"

26.

Откако Петар Му рече: "Од туѓите," Исус му рече: "Значи, синовите се слободни.

27.

Но за да не ги навредиме, оди до морето, фрли јадица и земи ја првата риба што ќе ја фатиш, а кога ќе и ја отвориш устата ќе најдеш статир. Земи го и дај им го за тебе и за Мене."

← Matthew (17/28) →