John (21/21)

← John (21/21)

Потоа Исус им се јави пак на учениците, на Тибериското Море, и тоа стана вака:

Симон Петар и Тома, наречен Близнак, Натанаил од галилејскиот град Кана и Зебедеевите синови, и други двајца од Неговите ученици, беа заедно.

Симон Петар им рече: "Ќе одам да ловам риби!" Тие му рекоа: "Ќе дојдеме и ние со тебе." И така, излегоа и влегоа во коработ, но таа ноќ не уловија ништо.

А кога се разденуваше, Исус застана на брегот, но учениците не знаеја дека е Тој.

Исус им рече: "Чеда, немате нешто уловено, нели?" Му одговорија: "Немаме."

А Тој им рече: "Врлете ја мрежата оддесно на коработ и ќе фатите." И така, ја фрлија, и веќе не можеа да ја извлечат од многуте риби.

Тогаш ученикот, кого Исус го љубеше, му рече на Петар: "Тоа е Господ." Штом Симон Петар чу дека е Господ, си ја препаша облеката (зашто беше необлечен) и скокна во морето.

А другите ученици дојдоа со коработ, влечејќи ја мрежата со рибите, зашто не беа далеку од копното - туку околу двеста лакти.

Кога излегоа на брегот, видоа: направен жар, риби врз него и леб.

10.

Исус им рече: "Донесете од рибите што ги уловивте сега!"

11.

Тогаш Симон Петар стана и ја извлече мрежата на брегот полна со големи риби, сто педесет и три. Иако беа толку многу, мрежата не се скина.

12.

Исус им рече: "Дојдете да јадете!" А ниеден од учениците не се осмели да Го праша: "Кој си Ти?", зашто знаеја дека е Господ.

13.

Исус дојде, зеде леб и им даде, и риби, исто така.

14.

Тоа веќе беше третпат како Исус им се јави на учениците откако воскресна од мртвите.

15.

Откако завршија со појадокот, Исус го праша Симон Петар: "Симоне, сине Јованов, Ме љубиш ли повеќе отколку другиве?" Тој Му одговори: "Да, Господи, Ти знаеш дека Те сакам." Тогаш Му рече: "Паси ги Моите јагниња!"

16.

Потоа вторпат го праша: "Симоне, сине Јованов, Ме љубиш ли?" Овој му одговори: "Да, Господи, Ти знаеш дека Те сакам." Исус Му рече: "Bоди ги Моите овци на пасење!"

17.

И третпат го праша: "Симоне, сине Јованов, Ме сакаш ли?" Петар се нажали дека по третпат го праша: "Ме сакаш ли?", и Му одговори: "Господи, Ти знаеш сè, Ти знаеш дека Те сакам." Исус му рече: "Паси ги Моите овци!

18.

Bистина, вистина, ти велам: кога беше помлад се опашуваше сам и одеше каде што сакаше, но кога ќе остарееш, ќе ги рашириш своите раце и друг ќе те опашува и ќе те води каде што не сакаш."

19.

А ова го рече, назначувајќи со каква смрт тој ќе Го прослави Бог. Откако го кажа тоа, му рече: "Оди по Мене!"

20.

А Петар, кога се обѕрна, виде дека по нив оди ученикот кого Исус го милуваше, кој на вечерата се потпре на Исусовите гради и рече: "Господи, кој ќе Те предаде?"

21.

Штом Петар го виде, Го праша Исуса: "Господи, а што е со овој?"

22.

Исус му рече: "Ако сакам тој да остане додека не дојдам, што те засега тоа тебе? Ти следи Ме!"

23.

Така се разнесе овој збор меѓу браќата, дека оној ученик, нема да умре. А Исус не му рече дека нема да умре, туку: "Ако сакам тој да остане додека не дојдам, што те засега тоа тебе?"

24.

Овој е ученикот кој сведочи за ова и кој го напиша ова и знаеме дека неговото сведоштво е вистинито.

25.

А има и многу други работи што ги направи Исус, туку ако се запишуваше секоја од нив, мислам дека напишаните книги не ќе можеа да бидат сместени во целиот свет.

← John (21/21)