←  Exodus (24/40)  →

---

1.

И му рече Бог на Мојсеја: "Качи се при Господа ти и Арон, Надав и Авиуд и седумдесетте старешини Израилеви и поклонете Му се оддалеку на Господа;

2.

и да пристапи Мојсеј сам до Господа, но тие, пак, да не пристапуваат, и народот со нив да не се искачува."

3.

Дојде Мојсеј и му ги повтори на народот сите зборови Божји и сите заповеди. И сиот народ одговори во еден глас, и рече: "Сите зборови што ги кажал Господ ке ги помниме и ке слушаме."

4.

И ги напиша Мојсеј сите зборови Господови, па станувајки утредента рано, подигна жртвеник под гората, и дванаесет столбови за дванааесетте Израилеви племиња,

5.

и прати младичи од синовите Израилеви, и тие принесоа жртви сепаленици и жртви мирни на Господа Бога.

6.

Потоа Мојсеј зеде половина од крвта и ја налеа во чаша, а другата половина од крвта ја изли на жртвеникот;

7.

па ја зеде книгата на заветот и му ја причита гласно на народот, а тие рекоа: "Се‘, што рекол Господ, ке правиме и ке бидеме послушни."

8.

Тогаш Мојсеј ја зеде крвта, и го попрска со неа народот, велејки: "Ова е крвта на заветот, кој го постави Господ со вас за сите оние зборови."

9.

И се искачија потоа Мојсеј и Арон, Надав и Авиуд, и седумдесетте старешини Израилеви горе

10.

и го видоа местото каде што стоеше Бог Израилев; а подножјето Негово како да беше од Камен сафир, со сјај како сводот небески по чистота.

11.

И не се повреди никој од избраните ме у синовите Израилеви: тие Го видоа местото на Бога, па јадеа и пиеја.

12.

И му рече Господ на Мојсеја: "Качи се при Мене на гората и остани тука; ке ти дадам камени плочи со закон и заповеди, што ги напишав за да им бидат закон."

13.

Тогаш стана Мојсеј со Исуса, неговиот помошник, и се искачија на гората Божја,

14.

а на старешините им рекоа: "Почекајте тука во молчење додека се вратиме при вас; а, ете, Арон и Ор се со нас, па, ако има некој нешто за судење, нека оди при нив."

15.

И се искачи Мојсеј на гората, а облак ја покри планината,

16.

и беше слава Господова на гората Синајска; и облак ја покриваше шест дена; а во седмиот ден го повика Мојсеја пред облакот.

17.

А славата Господова се гледаше како оган што гори на врвот од гората пред синовите Израилеви.

18.

И Мојсеј влезе среде облакот и се качи на гората; и остана таму Мојсеј четириесет дена и четириесет ноки.

---

←  Exodus (24/40)  →