Zephaniah (3/3)    

1. Inpawngnekna khawpui,Hel hmang le tirdakum chu,A chung a va hang pik de!
2. Tu thu khom a ngai naw a,Tu zil khom a poisa nawh.LALPA a ring nuom naw a,Pathien a hnaih nuom bok nawh.
3. A sunga a milienhai chu,Sakeibaknei inrum ang an na,A sunga roreltuhai khom,Zan tieng satene ang an na,A tuka ding hla an nei nawh.
4. A zawlneihai an chapo a,Dawhaa mi hlem an hmang a,A thiempuhan tempul sukporchein,Nuom nuomin Dan an suosam hlak.
5. A sunga um LALPA chu a fel a,Thil indik lo a thaw ngai nawh.Tuk tin fel takin ro a rel a,Ni tin thul tik a nei ngai nawh.Sienkhom mi fel lohai ruok chun,Inzak nachang an hriet nawh.
6. "Hnamhai chu ka nuoi bo a,An kulpuihai ka sukchim a,Tu khom hraw thei naw dingin,An kotthlerhai ka sukram a.Tu khom cheng nawna dingin,An khawpuihai ka suksiet vong.
7. Khawpui kuoma chun keiman,'Nangin mi hang ti phot la,Ka zilna che hi poisa la,Chuongchun i chengnaa inthokin,Nuoi bo ni naw ti ni a,Ka hremnahai po po khom,I chungah tlung naw nih' ka ta;Sienkhom thil dik lo thaw chu,An inhawk lem tlat pei si!
8. Chuleiin, hrepuitua keiKa ngir ni chen mi nghak ro.Hnamhai la ko khawm ka ta,Lalramhai kei khawm ka taAn laka ka lungsenna,Ka lung inlingna po pohai,An chungah bun thlang ka ta,Ka thikna lungsen chok chun,A ram pum kang hmang a tih"Ti hi LALPA thusuok a nih.
9. "Chu pha chun mipuihaiin,LALPA hming thienghlim lam a,A rong an bawl theina di'nHmur thienghlim inputtir ka tih.
10. Mi chawibiektu, ka mihai,Nile vadung khela umhai khomin,Thilpek hung inhlan an tih.
11. Chu ni chun ka chunga poiIn tawkna po pohai lei khan,In hmai mawk ta naw ni a;Hi khawpuia inthok hin,Mi chapohai po po chu,Lo hnot suok vong tang ka ta,Ka tlang thienghlimah tu khom,Mi uongthuong um ta naw nih.
12. Mi zaidam le inngaitlawmhai,LALPA hming ringtuhai chu,I sunga chun maksan ka tih.
13. Hlaa um sun Israelhai chun, Poi tawk ta ngai naw ni hai a,Khel hril ta naw ni hai a,An bauah khel suok naw nih.Fain zal hadam an ta,Tu khomin sukti ta naw nih."
14. Aw Zion naunu, zai hla rem rawh,Aw Israel, inring takin sak rawh!Aw Jerusalem naunu,Lungril po poa hlimin lawm rawh!
15. LALPAN i hremna a lak kieng a,I hmelma a hnot kir tah.LALPA ngei, Israel Lal chu,Nangma kuomah a um a,Suknata um hrim hrim khom,Inlau ta ngai nawng i tih.
16. Chu ni chun Jerusalem kuomah,"Ti naw rawh, aw Zion, I ban khai thlep el naw rawh.
17. LALPA i Pathienin a umpui che.Ropui taka sandamtu a nih.Nasa takin lawm a ti che a,A hmangainan inawi tleiin,Hlim takin hlain awi a ti che.
18. Kut huna in beidongnahai,La kiengpek dai ka ti cheu:In ta dinga phurrik inzakum a nih.
19. A neksawrtu cheu taphot chu,Chu pha chun keiman bei ka tih.Kebaihai san suok ka ta,Tlan darhai ko khawm ka ta,An muolphona ram po poah,Mi inpak le inza-ah siem ka tih.
20. Chu huna chun thuoi khawmin,In tieng thuoi kir ka ti cheu.In saltangnaa inthoka,In mithmua ngei tungding a,Ka thuoi kir nawk cheu pha chun,Hnuoi chunga mi po pohai lai,Chawimawina le inpaknahaiInkhumtir ka ti cheu," LALPAN a tih.

  Zephaniah (3/3)