| ← Zephaniah (2/3) → |
| 1. | Aw nangni hnam zakmawhai,Inko khawm ro, inko khawm ro, |
| 2. | A hun ruot a tlung hma hin,Busi anga len hmang in ni hma,LALPA lungsenna ni chu,In chungah a hung tlung hma,LALPA lunginling ni chu,In chunga a tlung hma hin. |
| 3. | A thupek anga thaw hlaktu,A rama mi thuhnuoirolhai,LALPA chu zong hlak unla,Felna chu zong hlak unla,Thuhnuoirol takin um ro,LALPA lungsenna niah,Huma in um thei takduoiin. |
| 4. | Gaza chu rausanin um a ta,Askelon chu sukramin um a tih.Asdod chu sunah inruok an ta,Ekron chu phawi hmang an tih. |
| 5. | Tuipui kama cheng Keret mihai,In chung a va hang pik de aw!Filistin rama um aw Kananhai,Hluotu um loin sukram ka ti cheu"Tiin LALPA chun a hril. |
| 6. | Tuipui kam Kerethai chengna chu,Berampuhai buk khuorna leBeram huongah inchang a tih. |
| 7. | Juda sungkuo hlaa la umhaiin,Chu hmun chu nei tang an ta,Beram ruol intlattir an ta,Askelona in rausanhai chu,Zanah rieknan hmang an ta,LALPA Pathienin enkol a ta,An saltangna hmuna inthokinAnni tungding nawk a tih. |
| 8. | "Moab-hai deusawna ri ka hriet,Amon mihai ti-elna rihai khom;Ka mihai an deusaw a,An ram lakpek tumin an vauh. |
| 9. | Chuleiin Moab chu Sodom angin,Amon mihai chu Gomora angin,Zakthlai bil le chi khur umna hmun,Kumkhuo rausan ram ning a tih.Iengkim LALPA, Israel Pathienin,A hringna salin a puong:"Ka mi, hlaa umhai chun rok an ta,Ka hnam laia dam khawsuokhai chun,An ram chu neipek an tih" tiin. |
| 10. | Chu chu an chapona ra ning a tih,Iengkim LALPA mihai chu hmusita,Nuizatbura an hmang leiin. |
| 11. | An pathienhai a sukboral pha chun,LALPA chu rapum la ting an ta,Vakam ram tina cheng hnamhaiin,Mani hmun sengah chawibiek an tih. |
| 12. | "Nangni Ethiopia mihai khom,Ka kawlhnama that ning in tih"Tiin LALPA chun a hril. |
| 13. | A kut chu hmar tieng inlet a ta,Asuria chu suksieng a ta,Ninevi sukram der a ta,Thlaler angin tawl hawp a tih. |
| 14. | Beram ruol le bawng ruolhai,A sungah bok khawm an ta,Ramsa tinreng riek khawm an tih.Thlaler simbuk le chingpirinuhan,A ban sipah bu sep an ta,Tukvera inthokin inhram an ta;Kot bul chu hmunhnokin sip a ta,A sidar tlungpum khom dawk a tih. |
| 15. | Hi hi khawpui, poisak nei lo,Muong taka um hlak kha a nih."Mi sing zo tu khom an um nawh"A ti lungril hlak si a.A va hang tlu ram nasa ngei de!Ramsahan rieknan an hmang a,A fe pel taphot hlak chun diriemin,An kut thinin an inchek khum. |
| ← Zephaniah (2/3) → |