Zechariah (10/14)  

1. Thal ruo sur hun a tlung pha leh,LALPA kuomah ruo hni hlak ro,LALPA chu kawl sukphetu a na,Mihriem le thlaihai ta dingaRuopui insurtirtu chu a nih.
2. An milemhan khel an hril a,Aisanthiemhan khel an hmu a,Mang indik lo an manghai chun,Mihai ngai an suktha thlawn a.Chuleiin beram ruol angin,Mipuihai an invak hmang a,Vengtu nei loin an neksawr.
3. Berampuhai chunga hin, Ka lung a sen em em a,Thuoituhai hi hrem ngei ka tih.Iengkim LALPAN a beram ruol,Juda sungkuohai chu enkol a ta,Indo sakor suongum tak angin,Anni chu hung sukhrat a tih.
4. Juda sungkuoa inthokin,A kil dotu lungphumhai, Puon in kei marna thlungphunhai,Indona thalngulhai le, Roreltuhai po po khom,An hung suok ding a ni si.
5. LALPAN a umpui leiin,Indo laia mi huoisenhaiin,Kotthlera an hmelmahai,Chihrak anga an pal zut angin,Sakor chungchuong mihai khom,Do hronin intlawm an tih.
6. "Juda sungkuo sukhrat ka ta,Josefa sungkuo san suok ka tih. Thuoiin tungding nawk ka tih,Ka lainat tawl tlat si a.Hnawl ngai lo ni awm hrimin,An hninahai chu don ka tih,LALPA an Pathien ka ni si a.
7. Mi hrat khawkhenghai angin,Efraim chu hung hrat a ta,Uoiin no dom lai ang elin,A lungril chu hlim a tih.A nauhaiin hmung an ta,An lungril LALPA chungahNasa takin hlim a tih.
8. Faifukin ko khawm ka ta,Intlan suok ngei tawl ka ta,An tam hun lai ang bok khan,Ka sukpung nawk ding a nih.
9. Hnam tin lai hnot dar lang khom,Ram hla taka inthok khomin,Mi la hung hre zing an ta,An nauhai leh dam khawsuokin,Hung kir nawk ngei ngei an tih.
10. Aigupta rama inthokin,Anni chu thuoi kir ka ta,Asuria rama inthok khomin,Anni chu lawr khawm ka tih. Gilead le Lebanona inthokin,Anni chu hung thuoi ka ta,Inleng naw hiel hman an tih.
11. Buoina tuipui kan an ta,Tui insok chu reng a ta,Nile li mong chen kang a tih.1
12. LALPA-ah sukhrat ka ta,A hmingin kal chawi an tih"Ti hi LALPA thu suok a nih.

  Zechariah (10/14)