←  SongOfSongs (7/8)  →

---

1.

I fuke le pheikhok an inhme,I mawi ngei ie, lal nau lanu;I mal mumin lunghlu a ieng,Themthiem kut suok ngei chu.

2.

I laibuin berbu a ieng,Uoiin thaa sung sip zing chu.I phingin bu vum a ieng,Lili par hmuna sung vum chu.

3.

I tang vumin zukte phir a ieng,Zuk la tuoi hring ngei el chu.

4.

I ringin saiha kulbing sang a ieng,I mitin Bath Rabim kota Hesbon dilte.I hnarin Lebanon kulbing sang a ieng, Damaska tieng nghaa ngir chu.

5.

I thlungluin Karmel tlangpui a ieng,I basam thlai mawi dum tle seng chu,Lalin a tuor zo lul naw a ni hih!

6.

Aw hmangai, dit i va um ngei,I mawinan lunglai a hnem hlie hlie!

7.

I duongkai a tha, tum thing iengin,I tang vumin thei bawr an ieng.

8.

"Tum thinga chun lawn tung ka ta,A raa chun intul ka tih" ka ta.I tang chu grep ra bawr ieng a na,I thuok epul rim ang hiem a na,

9.

I bau uoiin inhnik tak ang a nih.Ka dittak bau le ha kara chun,Uoiin luong thla del del raw se.

10.

Ka hmangai ta ka ni a,A lunglai khamtu ka nih.

11.

Aw ka hmangai, hung raw leh,Ram hnuoiah leng vel ei ta,Thingtlang khuoa son riek ei tih.

12.

Zing hmanga inthok suokin,Grep huon dam sir ei ta,Grep kumumin an par ta'm,Ti dam va thlir dun ei ta,Theibufai vul lai thlir ei ta,Chu chun inhlan ka che, ka hmangaina.

13.

Zawlaidi rim a'n nam rem rem,Ei kot bulah thei inhnik tinreng,Lo thar le a hmin zumhai ka sie,A hmin tha tha kha aw ka dittak,I ta dinga ka khek a nih.

---

←  SongOfSongs (7/8)  →