←  SongOfSongs (6/8)  →

---

1.

Minu laia hmel tha chungchuong,I hmangai khaw la'm a fe ta a?Kan zongpui theina ding chein,I hmangaiin khaw tieng am a pan?

2.

Ka hmangai a huonah a fe thlak,Rimtui chingna hmuna chun,A ran ruolhai intlattir ding leLili par hai lawr khawm dingin.

3.

Ka hmangai ta chu ka ni a,Ka hmangai khom ka ta a nih,Lili bila ran ruol intlattirtu chu.

4.

Ka hmangai i mawi, Tirza khuo iengin,I ditum bek bek, Jerusalem iengin,I ropui, puonzar khai pheisen ruol iengin.

5.

I singmit la kir rawh, ka laka hin,Ka dol zor chieng ta em el.Gilead tlanga tla diel diel kel ruol,I basamin a ieng ngei ie!

6.

Beram ruol hmul vaw zo a,An insil fai hlim lai chu,An ieng ngei ie, i hahai chun!Mani koppui an nei seng a,A mala tla fal an um nawh.

7.

I hmai dier phena i bienghai khan,Theibufai phel an va ieng ngei!

8.

Lalnu sawmruk, hmei sawmriet,Lanu thienglam tam tak ka nei a,

9.

Sienkhom ka thuvate, soiselbo hi,A tha chungchuong bik a nih,A nu nau mal, a hringtu duot hlawnu hi.A hmutu lanuhan, "Hamthanu" an ta,Lalnuhai le hmeihaiin an inpak.

10.

Zing ni zung mawi ienga hung var,Sorthlapui ienga eng no nghiel,Turnipui ienga var phut el,Puonzar khai pheisen ruol ienga ropui kha,A tu tak am ni tang a ta?

11.

Ruon chi hrang hrang bilah ka zu fe a,Thala varuoma thil inder thar hai,Grep inder thar le theibufai par en dingin.

12.

Ka hriet naw karin ka tawlailir chungah,Ka hmangai tangah ka lo inbei dai si!

13.

Aw Sunam lanu, hung kir rawh,Hung kir rawh, hung kir nawk hram rawh,I sakhmel kan hmu nawk theina dingin. (14) Ieng leia Mahanaim lam ang hiel a,Sunam lanu hi in hmu nuom am a na?

---

←  SongOfSongs (6/8)  →