SongOfSongs (5/8)  

1. Ka huona chun ka hung lut ie,Aw ka rohlupui le ka koplaidi,Ka beraw le rimtuihai la khawmin,Ka khuoithlar ka fak, a khuoizu pumin;Ka uoiin ka dawn, bawngnene leh.Fa ro, aw ruolhai, dawn ro,Khop takin dawn ro,Aw lungchimhai.
2. Ka zala chu ka la meng zing,Chu, ka hmangaiin kot a kik chu!Mi hongpek rawh, ka rohlupui,Ka hmangai thuva le ka soiselbo,Zan daidawin ka lu a far hu a,Ka sam khom a'n dap zo tah.
3. Ka silfen ka hlip ta a,Ka'n chei nawk ding am a ni?Ka ke khom ka sawp ta a,Ka sukbal nawk di'm a ni?
4. Kotkhar chu hung hong tumin,Ka hmangai chun a hung pur,Ka lung a'n chawmchawrok a.
5. Ka zuong tho, kot hong dingin.Kot kalna ka hong lai chun,Beraw'n ka kut a far a,Ka kutpha chungah a luong,Kotkhar kalna chunga khom.
6. Ka hongpek, ka hmangai chu,Sienkhom a um ta si nawh!Lam ang a hang let el chu,Ka lung a va na de aw!Ka zong ruoi a, ka tong si nawh.Ka ko khek a, a mi don nawh.
7. Khawpui kan kuola invak,Zan vengtuhan an mi hmu a,Mi vawin an mi'n hliem a,Zana kul vengtuhai chun,Ka silpuon an mi lakpek.
8. Aw Jerusalem lanuhai,Ka hmangai in lo hmu chun,A zunah kan uoi a nih,Ti mi hung hrilpek hram ro.
9. Minu laia tha chungchuong,Mi nekin i hmangai chu,Iem a that bikna a um?Iem a that bikna a um,Chuong lawma i ngen el chu?
10. Ka hmangai tha sen sier chu,Sangsawm chunga leng a nih.
11. A thlungluin rangkachak a ieng,A basam inkir mawi tak chu,Vaak anga dum tle seng a nih.
12. A mitin thuva singmit a ieng, Nenetuia insil hlim hlol,Vadungte kama tla thuva,A mita lunghlu thieng bel ang chu.
13. A bieng chu hlo rimtui hmun,Rimtui innam zing ang a nih.A hmur chu lili par ang a na,A thuok beraw rimtui ang a nih.
14. A ban chu rangkachak tluon,Krisolit lunga phun ang a na,A taksa chu sai ha nawt nam,Safir lunga cheimawi ang a nih.
15. A kehai chu sailungvar tluon,Rangkachak hlir thuta phun ang a na,A hmelhmang chu Lebanon tlang leA sidar thing tha tak ang a nih.
16. A bau a thlum ngawi ngawi a,Iengkimah ditumnaa sip a nih.Aw Jerusalem naunuhai,Ama hi a nih ka hmangai chu, Ama hi a nih ka ruol chu.

  SongOfSongs (5/8)