←  SongOfSongs (4/8)  →
1. I hmel a tha, aw ka hmangai,I va hang nal ngei de aw!I hmai dier phena i singmit khan,Thuva singmit a va ieng ngei!Gilead tlanga hung thla kel ruol,I basamin a ieng ngei ie!
2. Beram ruol hmul vaw zo a,An insil fai hlim angin,A var sieu el, i hahai chu!A va hang kopkim ngei de,A mel hrim khom a um nawh.
3. I hner senin zozam a ieng,I bau chang a va mawi ngei!I hmai dier phena i bienghai khan,Theibufai phel an va ieng ngei!
4. I ringin a ieng, Davida kulbing sang,Ralthuom siena dinga siem chu;Chu chun phaw sangkhat an sie a,Ral hrat khawkhenghai phaw ngei chu.
5. I tang vum mawi inthieng that chun,Lili buka tla dun riel riel,Zukte phir an ieng ngei ie!
6. Khawfing a hung chat hma ngei,Thimna a'n kieng hma ngei hin,Beraw tlanga chun fein,Rimtui muolah feng ka tih.
7. I tha zo ngei, ka hmangai chu,I va hang tha famkim ngei aw!
8. Hung rawh, Lebanon tlanga inthokin,Lebanon tlanga inthok ngei chun,Tum thla dun ei tih ka lungdi;Amana tlang sipa inthoka tumin,Keipui le keitehai tuol lengna,Senir le Hermon tlang sipa inthokin,Zuk tum thla riel riel ei ti khai.
9. Aw ka rohlupui le ka lungdi,Ka lunglai hluo zotu i nih;Lunghlu thi ringah hli a,Mit sira i mi at zauh khan,Ka lungril i'n ruk hmang vong.
10. Ka rohlupui le ka lungdi,I hmangaina hi a hlimum de!oiin nek daiin i hmangaina chu,A lo va hang hlimum nasa de!Rimtui dang po po singin,I rimtui chu a rimtui lem.
11. I bau suok a thlum, ka lungdi,Khuoi thlara far thla angin.I lei hnuoi a'nthok khuoizu leBawngnene an hung far thla.I silfen rimtuizie chu,Lebanon rim ang a nih.
12. Aw ka rohlupui le ka lungdi,Huon humhal tlat ang i nih,Tui hnar inhuon khum ang leTuikhur khar tlat ang el chu.
13. I huona chun theibufai,Kur thlek thlukin a ra a,Henna le nard rimtui a tam,
14. Nard kung le safrona kung hai,Mafu rimtui le thingzungthak,Rimtui thing chi tinrenghai,Beraw le aloi rimtui,Rimtui tha tak po po leh.
15. Nang chu huona tuikhur tha,Lebanon tlanga inthoka hung,Zo tuiin a chawm ang chu i nih.
16. Nang hmar thli hung inthok la,Nang sim thli hung inthok bok la,Ka huon tieng hung hrang unla,Ka rimtui inleng suok raw se;Ka hmangai chu ka huonah hungin,A thei du du hung tlan raw se.
←  SongOfSongs (4/8)  →