SongOfSongs (3/8)  

1. Zan khuo'n ka laikhum zawlah,
2. Tho ka ta, khawpui fangin,Kotthler le tuol zawla chun,Ka hmangai chu zong ka tih.Ka zong vel, ka tong si nawh.
3. Khawpui kan kuola invak,Zan vengtuhai ka hmu a,"Ka hmangai in lo hmu am?"Tiin anni ka'n don a.
4. Anni rawi ka pel charin,Ka hmangai chu ka hmu tah.Ka kuo a, inthla naw ning,Ka nu in, mi paitu pindanah,Ama ka thuoi lut hma khat chu.
5. Aw Jerusalem lanuhai,Ram zuktuoi le zukpui salin,Kan inkara hmangaina hin,Dit tawk a nga hma khat chu,Inther lo dingin ka ngen cheu.
6. Thlalera inthoka hung,Meikhu ngir ang saw tu'm a na? Beraw le rimtui an nam rum rum a, Sumdawnghai phur hmuihmer rim leh.
7. En ta, Solomon tawlailir a nih.Israel pasaltha le ralhrat ngot,Mi sawmrukin an zui saw!
8. An rengin kawlhnam an chawi,Indo thiem mi vong an nih;An ngum sirah kawlhnam an pai,Zan tiuma invengna dingin.
9. Lal Solomon chuongna chu,Ama ta dinga a siem a na,Lebanon thinga siem a nih.
10. A ban chu tangkaruoa siem,A chung khum rangkachaka chei,A thungna puon senduka tuom,A sung chu Jerusalem lanuhan,Uluk taka an chei a nih.
11. Hung suok ro ie, Zaiawn lanuhai,Solomon hi hung hmuok ro khai,A nu'n lallukhum a'n khumtir ie,A thai lak ni, a hlimna nia hin.

  SongOfSongs (3/8)