SongOfSongs (1/8)  

1. Hienghai hi hla thlang khawm,
2. Mi fawp rawh, i hmur ngei khan,I hmangaina a thlum lem, uoiin nekin.
3. I rim a va hang inhnik de aw!I hming khomin lunglai a kuoi!Dit naw che ruol an ni nawh, lanuhan.
4. Mi thuoi la, sawt riel loin,Lal pindana chun mi thuoi rawh.Kan hlimna le lawmna i nih,I hmangaina kan kurpui, uoiin singin.An hlut che hi an thaw dik ngei!
5. Aw Jerusalem lanuhai,Ka hanga chu ngaino ka bei;Kedar puon in ienga hang,Solomon puonzar ienga nal ka nih.
6. Ka hang leiin mi iei naw rawh,Ni inteng em hang ka ni hi.Ka tahai an lungsen leiin,Grep huon an mi'n vengtir a,Ka'n tuoi nam hman ve naw a nih.
7. Mi hril rawh, aw ka hmangai,Khaw la'm i ran ruol intlattirin,Sun lai khaw la'm i'n chawltir hlak?Ieng leiin am hmai inkhumin,Mi ran ruol lai ka zong ding che?
8. I hriet naw chun, aw nang hmeltha,Minu po po sing zotu,Beram ruol hniekhnung zui la,Berampuhai bukthlam sirah,I keltehai hung intlattir rawh.
9. Faraw tawlailir keitu sakor la tuoi,I ieng ngei maw, aw ka hmangai!
10. I bieng no le i nabe an inhme,I ring mawitu lunghlu par sing seng leh.
11. Tangkaruo tle senga bel mawi,Rangkachak thi siempek ka ti che.
12. Laikhumah ka lal a zal a,Ka hriek rimtuiin in sung a sip.
13. Ka tanga inbei ka hmangai hi,Ka ta din beraw bawmpui a nih.
14. Ka hmangai hin a ieng ngei maw,Engedi huona henna par vul lai.
15. I mawi chuong ie, aw ka hmangai,I sakhmel a mawi chuong ngei!I singmitin thuva singmit a ieng.
16. I nal ngei maw, aw ka lungrun,Ka lung i va hang dum ngei aw!Ei zalna sawl hring nghiel chenin.
17. Mi zar khumtu sidar thing leFar thing zarhai chen khom an mawi!

      SongOfSongs (1/8)