←  Romans (7/16)  →
1. Unauhai, dan chun mi a dam sung po chauh a chungah thu a nei hlak ti in hriet naw am a nih? Hi hi Dan hrehai hriet ding bika ka hril a nih.
2. Entirna dingin, nuhmeiin pasal a nei chun a pasal dam sung po chu inneina danin a pasalah a phuor bet a, a pasal thi hnung ruok chun a pasal lakah chu dan chun a khit ta nawh.
3. A pasal dam sung mi dang a nei chun 'uire nu' ting an tih; a pasal a thi hnung ruok chun chu dan phuornaa inthok chun sutin a um a, mi dang nei sienkhom uire ti a ni ta nawh.
4. Chuong ang bokin unauhai, Krista taksa peng in ni tah leiin Dan chu in thisan tah a, Pathien ta dinga ra ei insuo theina dingin tu hin chu mi dang ta, mithi laia inthoka keithoa um tah ta chu ei ni tah lem.
5. Suol khuop de mihriem hlui ei la put lai khan chu ei chakna suol, Danin a chok tho khan, ei taksaah sin a thaw a, ei ra suok chu thina a nih.
6. Tu ruok hin chu mi khuop hlaktu chu thisanin, dan khuopnaa inthoka insuoin ei um tah a; chuleiin, Dan thu ziek hlui chu zui ta loin, Thlarau dan thar hnuoiah rong ei bawl tah lem a nih.
7. Ieng am hril tang ei ta? Dan chu suol a ni? Teu lo e! Danin mi hril naw sien chu suol hi hre naw ning. Danin "Inhnar naw" lo ti naw sien chu inhnar hi iem a nih ti hre naw bok ka tih.
8. Sienkhom, suol chun dan thupek chu remchanga hmangin, inhnarna tinreng ka sungah a'n umtir a. Dan um naw sien chu suol hi thil thi el a nih.
9. Kha hma khan Dan thang loin ka lo hring hlak a; nisienlakhom, dan thupek a hung um phingleh suolna chu a hung har a, kei chu ka thi a.
10. Hringna dinga dan thupek chu thina ding lem a lo nih ti ka hung hmu suok a.
11. Suolna chun dan thupek chu remchanga hmangin a mi hlem a, thupek chu hmangin a mi sukhlum tah a nih.
12. Chuong chu a ni leiin, Dan chu a thienghlim a, thupek khom a thienghlim a, a fel a, a tha a nih.
13. Anleh, thil tha chu ka ta dingin thina intluntu a lo ni maw? Teu lo e! Suolna chu ka ta dingin thina a hung ni ta lem a nih: suol chu suol a nih ti a'n lang theina dingin thil tha chu hmangin a mi sukhlum a, chu dan thupek chun suolin taluo a nei nawzie a hung suklang tah a nih.
14. Dan chu thlarau tieng thil a nih ti ei hriet; kei ruok chu taksaa um, suol bawia zor hmang tahnung ka nih.
15. Ka khawsak dan hi a ngaina tak khom ka hriet nawh. Ka thaw nuom zawng thaw loin, ka theida zawng ka thaw lem hlak.
16. Ka thaw nuom naw zawng ka thaw hin dan chu tha ka tipui tina a nih.
17. Tuta ka ngirhmun chu, thil ka thawhai hi keima thaw ni loin, keimaa cheng suol chun a thaw lem a nih.
18. Suol kop keima mihriema hin thil tha hrim a cheng nawh ti ka hriet; thil tha thaw nuomna nei lang khom ka phur suok zo si nawh.
19. Thil tha ka thaw nuom chu thaw loin ka thaw nuom naw thil suol chu ka thaw lem si.
20. Ka nuom naw zawng ka thaw si chun, a thawtu chu kei ni loin, keimaa cheng suol chu a ni lem.
21. Chuongchun, hieng hi thil um dan a nih ti ka hung hriet suok tah: thil tha thaw ka nuoma chu suolin a mi cheng chil zing si.
22. Ka lungril sungril tak chun Pathien dan a lawm a;
23. sienkhom ka taksaa sinthaw, ka lungril tha tizawng dan dotu chu a um ti ka hmu a, chu ka taksa bunghaia sinthaw hlak suol dan chun salah a mi siem hlak a nih.
24. Mi rimsi ka va ni ngei! Hi th�na taksaa inthok hin tuin am mi san suok a ta? Pathienin tie!
25. Ka Lalpa Isu Krista z�rah ama chu inp�kin um raw se. Chuongchun, keima lungril tak chun Pathien d�n rong ka bawl a, keimaa suol kop ruok chun suol d�n rong a bawl a nih.
←  Romans (7/16)  →