←  Romans (10/16)  →

---

1.

Unauhai, ka chipui Israelhai chu sandamin um hai sien ti hi ka duthusam le Pathien kuoma ka hni rop chu a nih.

2.

Pathien ta dinga thahnem an ngaizie ka hriet a, sienkhom an hriet dan a mumal si nawh.

3.

Pathienin thiem mi a'n changtir dan chu an hriet thiem naw a, anni lampui an hraw tlat a, Pathienin thiem a'n changtir dan hnuoia chun an tlu lut nuom nawh.

4.

Ama ringtu taphotin thiem an chang theina dinga Dan sukfamkimtuq chu Krista a nih.

5.

Dan zawm leia thiemchang dan thu chu Mosien hieng ang hin a lo ziek a, "Dan zawmtu chu danin hring a tih" tiin.

6.

Ringna leia thiemchang dan thua ruok chun, "Tu'm vanah lawn a ta?" (Vana inthokin tuin am Krista hung thuoi thlang a ta?) amanih,

7.

"Tu am khurpuiah zu tum a ta?" (Mithi khuoa inthokin tuin am Krista zu thuoi suok a ta?) amanih in lungrilin ti naw ro" tiin a hril bakah,

8.

"Thu chun a hnai che,I bau le i lungrilah a um"r a ti lem a ni kha. Chu thu chu ringna thu kan hril hlak hi a nih.

9.

I bauin Isu chu Lalpa a nih ti i tan a, mithi laia inthokin Pathienin a keitho ti i lungrila i ring chun sandamin um i tih.

10.

Lungrila ringtuhai chu thiem inchangtirin an um a, baua tantuhai chu sandamin an um bok.

11.

Pathien Lekha thuin, "Tu khom ama ring taphot chu muolpho ngai hrim hrim naw nih"a ti a nih.

12.

Juda mi le Grik mi ieng khom a danglam chuong nawh. Lalpa pakhat chu an renga Lalpa a na; ama kotuhai chungah chun a hausakna a vur hlak.

13.

"Tu khom Lalpa hming lam taphot chu sandamin um an tih" a ti a nih.

14.

Anleh, an ring naw chu ieng tin am ko an ta? Thu an hriet naw chu ieng tin am ring thei an ta? Thuhriltu um loin iengtin am hrieng an ta?

15.

Tir an ni si naw chun ieng tin am thu hril an ta? "Thil tha chanchin lawmum intluntuhai ke chu a va mawi de!" ti ziek a ni kha.

16.

Sienkhom, Chanchin Tha chu an rengin an ring vong chuong nawh. Isai bokin, "Lalpa kan thu hril tuin am a ring a?" a ti si a.

17.

Chuongchun, ringna chu thu an ngaithlaka inthoka hung um a na, thu hrila um chu Isu Krista thu a nih.

18.

Anleh, thu chu an nain an hriet ngai naw'm a nih? Hre ngai e a! "Sienkhom an rawlin hnuoi a fang suok a,An thuin kawl kil a deng suok"sti a ni kha.

19.

Anleh, hang ti nawk ta pei inla, Israel mihaiin an hriet naw am a ni ding? "Hnama hril khop lohai chu Inthiktir ka ti cheu a,Hnam invethai chu hmangin,Suklungsen ka ti cheu"ttiin Mosien a hril hmasa tak a.

20.

Isai chun huoi takin,"A mi zong nawtuhai chun An mi hmu a;A mi ko nawtuhai kuomahKeima ka'n hriettir a"ua ti nawk a.

21.

Amiruokchu, Israelhai chung thua ruok chun,"Mi kawmaw le helhmang ta dingin,Sunnithlakin ban ka phar hlak"va ti kha.

---

←  Romans (10/16)  →