←  Revelation (9/22)  →
1. Vantirko pangana chun a hang mut a, vana inthoka hnuoia arasi tla ka hmu a. Arasi kuoma chun khuorkhurume chabi chu an pek a.
2. Khuorkhurum chu a hang hong a, a kuoa inthok chun rawtuina thuk lien tak ang elin mei khu a hung suok hlut hlut a, meikhu hung suok lei chun nisa le van a hung inthim zo tah a.
3. Mei khua inthok chun khau ruol an hung suok a, khawmuol ainuvet thilthawtheina ang thilthawtheina an pek a.
4. An chala Pathien inchikna suoi nei naw mihriemhai chauh chu soisak an phal a; hnuoia hlo hna hring hrim hrim, thlaihai le thinghai ruok chu sukse lo dingin an hril a.
5. Inchikna suoi nam ve lo mihriemhai chu sukhlum em loa thla nga sung suknat an phalpek a; an suknat thei d�n chu ainuvet mi se anga na a nih.
6. Chuong nia chun mihaiin thina zong an ta, hmu der si naw ni hai; thi inhawk an ta, sienkhom thina chun tlansan sing a tih.
7. Khauhai hmel put dan chu indo dinga sakor an inthuom ang hi a nih; rangkachak lallukhum ang an khum a, mihriem hmel ang an put a,
8. nuhmei sam ang sam an nei a, an ha chu sakeibaknei ha ang a na,
9. thir awmphaw ang awmphaw an nei a, an thla z�p ri chu indonaa sakor tawlailir tam tak tlan ri dur dur ang hi a nih.
10. Ainuvet ang mei an nei a, an mei chun mi an se thei a, an sena chu thla nga sung a na a.
11. Khuorkhurum vengtu vantirko chu an lal a ni a, a hming chu Hebrai tongin Abaddon, Grik tong chun Apollion an ti a, chu chu 'Sukbohmangtu' tina a nih.
12. Chungrikna pakhat chu a liem tah a, chungrikna dang pahni a la hung tlung ding a nih.
13. Vantirko parukna chun a hang mut a, Pathien hmaa rangkachak maicham ki palia inthok chun rawl a hung suok a;
14. tawtawrawt chawi vantirko parukna kuoma chun, "Eufretis vadungpuia vantirko thlunghai kha hung insuo ro" a ta.
15. Chuongchun, hi kum le thla, hi ni le darkara mihriem hmun thuma thea hmun khat thattu dinga an lo buotsai vantirko pali chu an insuo a.
16. Sakor chungchuong sipai ringot khom maktaduoi zahni an nih ti mi hril ka hriet a.
17. Inlarnaa sakor le a chunga chuonghai ka hmu dan chu hieng ang hi a nih: mei anga sen, safir lung anga dumpawl le kat anga eng awmphaw an nei a; an sakor lu chu sakeibaknei lu ang a na, an baua inthokin mei le meikhu le kat an phu suok puot puot a.
18. An baua inthoka suok mei le meikhu le kat, hremna pathum chu hmangin mihriem hmun thuma thea hmun khat chu an sukhlum a.
19. Chuong sakorhai thithawtheina chu an bau le an meiah a um a; an mei chu rul ang a na, lu a nei a, chu chun mi an inhliem hlak a nih.
20. Hieng hripuia sukhlum mahla mihriemhai hin anni thil siem biek chu an sim chuong naw a, rangkachak dam, tangkaruo dam, dar dam, lung dam le thing dama milem an siem, ieng khom hmu thei lo, hre thei lo le lawn thei bok lo hai biek chu an ban chuong nawh.
21. Tuolthat an ching dam, mi dawi an hmang dam, inditna suola an inhmang dam le rukruk an ching dam khom an sim chuong bok nawh.
←  Revelation (9/22)  →