←  Revelation (7/22)  →

---

1.

Chu hnunga chun vantirko pali, khawmuol le tuifinriet le thing chungah hai thli a hrang nawna dinga kawl kil lia thli kuo hruk tlat dinga ngir ka hmu a.

2.

Vantirko dang, Pathien hring inchikna suoi chawia sak tienga inthoka hung suok ka hmu bok a. Hnuoi le tuifinriet suksiet theina thu an pek vantirko palihai kuoma chun inring taka khekin,

3.

"Ei Pathien siehlawhai chala inchikna suoi kan nam hma khat chu khawmuol le tuifinriet le thinghai hi tawk poi naw ro" tiin.

4.

Chun, Israel thlahai hnam tina mi an inchik zat ka hriet chu mi nuoikhat le singli le sangli, hieng ang hin:

5.

Juda hnama mi singkhat le sanghnih,Reuben hnama mi singkhat le sanghnih,Gad hnama mi singkhat le sanghnih,

6.

Aser hnama mi singkhat le sanghnih,Nafthalia hnama mi singkhat le sanghnih,Manase hnama mi singkhat le sanghnih,

7.

Simeon hnama mi singkhat le sanghnih,Levi hnama mi singkhat le sanghnih,Isakar hnama mi singkhat le sanghnih,

8.

Zebulon hnama mi singkhat le sanghnih, Josefa hnama mi singkhat le sanghnih,Benjamin hnama mi singkhat le sanghnih.

9.

Chu hnunga chun ka hang en a, ngai ta, tu tiem seng loa tam mipui, hnam tin, chi tin, mi tin le tong tina mi, korfuol var haka tumkau chawiin, lalthungpha le Beramte hmaa ngir ka hmu a.

10.

Rawl inring takin,"Sandamna chuLalthungphaa inthung,Ei Pathien le Beramte Kuoma inthok a nih"tiin an khek a.

11.

Vantirko po po chun lalthungpha le upahai le thilhringhai chu an ngir huol a. Lalthungpha hmaa chun an bokkhup a, Pathien chawibiekin,

12.

"Amen,Inpakna hai, ropuina hai, varna hai,Lawmthu hai, chawimawina hai,Thilthawtheina le hratna hai,Chatuonin ei Pathien ta a nih,Amen"tiin an insam a.

13.

Upa laia pakhat chun, "Hieng korfuol vara inthuomhai hi tuhai am an na, khaw laia inthoka hung am an na?" tiin a mi'n don a.

14.

Kei chun, "Pu, nangin i hriet lem annawm" ka ta. Ama chun, "Hienghai hi rinumna rapthlak taka inthoka hung suok, Beramte thisena an silfenhai var taka sawpfaituhai chu an ni hi.

15.

Chuleiin, Pathien lalthungpha hmaah,A tempulah sun le zan umin,A rong an bawl tah a ni hi.Lalthungphaa inthung chun,An chungah puon in zarpek a tih.

16.

An phing tam ta naw ni a, An dang char ta bok naw nih.Ni intengin em naw ni a,Lum sahal tuor ta naw ni hai.

17.

Lalthungpha lai taka inthung,Beramte chu an vengtu ning a ta, Hringna tuikhurah thuoi a ta, Pathien chun an mita inthokin,Mitthli po po chu hru hul a tih" a ta.

---

←  Revelation (7/22)  →