←  Revelation (5/22)  →

---

1.

Lalthungphaa inthungpa kut chang tieng chun lekhabu ziel, a sung le puoa ziek, inchikna suoi pasaria nam le char tlat ka hmu a.

2.

Vantirko thilthawthei tak ka hmu a, ama chun rawl inring takin, "Tu am inchikna suoia char hi hong a, lekhabu ziel hi sut tlak um an ta?" tiin a khek a.

3.

Lekhabu ziel chu sut a, a sung en thei vanah tu khom an um naw a, hnuoia le hnuoi sunga khom an um bok nawh.

4.

Lekhabu ziel chu hong a, a sung en thei tu khom an um naw leiin ka tap ka tap a.

5.

Upa laia pakhat chun, "Tap naw rawh, ngai ta, Juda hnama sakeibaknei, Davida Tobul khan inchikna suoi pasari chu hong a, lekhabu ziel chu sut dingin a hne tah" a ta.

6.

Thilhring pali le upahai thung huol, a lai taka lalthungphaa chun Beramte that tah ni awm tak ngir ka hmu a. Beramte chun ki pasari le mit pasari a nei a, chuonghai chu hnuoi hmun tina Pathienin a tir suok thlarau pasarihai chu an nih.

7.

Lalthungphaa inthung chang tienga lekhabu ziel chu a lak a.

8.

A hang lak chun thilhring palihai le upa sawmhni palihai chu Beramte hmaa chun an bokkhup a. Tingtang le rangkachak berbu, mi thienghlimhai tongtaina rimtuia sip chu, an chawi seng a.

9.

Anni chun,Nang lekhabu ziel chu la a,A'n chiknahai chu sut tlak i nih,Thatin i um tah leiin;Chi tin, tong tin, mi tin,Hnam tina mihai chu,Pathien ta dingin,I thisenin i'n chawk a;

10.

Kan Pathien rong bawl dingin,A lalram le thiempuah i siem tah a,Hnuoi chungah ro rel an tih"tiin hla thar an sak a.

11.

Chun, ka hang en a, lalthungpha le thilhringhai le upahai huol vela chun vantirko ruol, a sanga sang le a singa sing tam tak rawl ri chu ka hriet a.

12.

"Beramte that ta hnung chunThilthawtheina hai, hausakna hai,Varna hai, hratna hai,Chawimawina hai, ropuina hai,Inpakna hai hmu tlak a nih"tiin an sak a.

13.

Thilhring tinreng, vana mi dam, hnuoia mi dam, hnuoi sunga mi dam, tuifinrieta mi dam le a sunga um po po rawl ka hriet a."Lalthungphaa inthung leBeramte kuoma chun,Inpakna hai, chawimawina hai,Ropuina le thilthawtheina hai,Chatuonin um raw se"tiin hla an sak a.

14.

Thilhring palihai chun, "Amen" an lo ti a, upahai khom chun bokkhupin an chawibiek a.

---

←  Revelation (5/22)  →