←  Revelation (18/22)  →
1. Chu hnunga chun vantirko dang, vana inthoka hung thla ka hmu a. Thuneina insang tak a nei a, a ropuina chun hnuoi pumpui a el var a.
2. Inring taka khekin,Babulon khaw ropui chu"A tlawm tah! A tlawm tah!Ramhuoihai an chengna hmun,Thlarau tirdakum hrangna,Vate porche intom khawmnaA lo inchang ta si a;
3. A mi dit chingna uoiin,Hnam po po a'n dawntir a,Hnuoia lalhan an zalpui a,A nuomsip bawlna chu Hnuoia sumdawnghan an hausakpui"a ta.
4. Chun, vana inthokin rawl dang ka hriet nawk a:"Ka mihai, hung suoksan ro,A suolnaah thang ve naw ro,Hremna tuor ve hlauh rawi in tih;
5. A suolna chun van a tong a,A suol thawhai Pathienin a hriet.
6. In chunga a thaw ang chu,A chungah thaw ve unla,A thaw leta thungrulin,Dawn ding khom a leta tak,A noa chun sungpek ro;
7. A'n sukropuizie le hoithawzie phuin,Tuorna le lungngainain rul ro.'Lalnuah ka thung, hmeithai ka ni nawh,Lu sun ngai naw ning' a ti lungril vei a.
8. Chuleiin, ni khat sungin,Thina, lusunna le tamna,Hrihai chun tlakbuok a ta,Meiin lem hmang vong a tih;Thiem naw inchangtirtu chu,Lalpa Pathien Hrat a nih"tiin.
9. Hnuoia lal, ama uirepuitu le nuomsip bawlpui hlaktuhai chun a kang khu an hmu chun sunin tang an tih.
10. A hrem tuor lai chu pangzatin hla takah thlir an ta,"A va rapthlak ngei de aw!Aw, Babulon khaw ropui,Darkar khat sung chauh el a,I hang tlu se ruop el chu!"tiin tang an tih.
11. Hnuoia sumdawnghai khomin tapin sun an tih, tu khomin an thil zorhai an inchawk ta naw leiin.
12. Rangkachak dam, tangkaruo dam, lung man tam dam, tuikeplung dam, puon zai inhmi dam, puon sen duk le silk sen lar dam, thing rimtui dam, saiha dam, dar dam, thir dam le sailungvara siem thil chi hrang hrang dam,
13. thingzungthak dam, mawsawla dam, beraw dam, murra dam, rimtui raw chi dam, uoiin le oliv hriek dam, beiphit le huit hum dam, bawng le beram dam, sakor le tawlailir dam, bawi le mihriem hringna an zor hlak chu tu khomin an inchawkpek ta nawh.
14. Anni chun,"I thil thlakhla hlak hai kha,Hmu ding hrim an um ta nawh;I ropui le mawina hai,Hmu nawk um ta lo dingin,An bohmang vong ta si a"ting an tih.
15. Chuong ang thil chu zora amaa inthoka insukhausa sumdawngtuhai chun a hrem tuor chu pangzatin hla takah ngir an ta, mitthli tla puma sunin,
16. A va rapthlak ngei de maw!Puon sen duk le puon sen lar,Rangkachak le lung man tam,Tuikeplung leh par chuoi aInchei hlak khaw ropui chu,
17. Darkar khat sung chauin,A hausakna po po leh,A tlu se ta ruop el hi!tiin tap hla insam an tih. Long hotu le a sunga chuong khuolzinhai, long khaltuhai le tuifinrieta fak zongtuhai chu hla takah ngir an ta.
18. A kang khu an hmu chun, "Hi khuo ang hi khawpui ropui dang a um ding am a ni?" tiin khek an tih.
19. An luah pilvut phulin, nasa taka taa sunin, "A va hang rapthlak ngei de!Aw khaw ropui, a rapthlak! Tuipuia long nei po po,I zara hausa an nih;Darkar khat sung chauh el a,I hang ram el hi chu aw!
20. Aw van le mithienghlimhai,Tirkohai le zawlneihai,A siet tak leiin lawm ro; In chunga a thaw angin,Pathienin a hrem tah hi" tiin khek an tih.
21. Chun,vantirko hrat tak hin bu rawtna lung tieta lien lung a lak a, tuifinrietah a pei thlak a, hi thu hi a'n sam a:"Babulon khaw ropui chu,Rawng taka pei ning a ta;Hmu nawk ni ta ngai naw nih.
22. A sungah rimawi hrim hrim, Tingtang, theihle, tawtawrawt,An tum hriet ni ta naw nih.A sunga thil siem thiem hrim,Hmu ding um ta naw ni a,u her ri hrim hrim hai khom,Hriet ni ta ngai bok naw nih.
23. A sunga chun khawnvar hrim,Var nawk ta ngai naw ni a,Moneitu le mo ri hrim,Hriet ni ta ngai bok naw nih.I sumdawng hausahai chu.Khawvel mi lien an kai a;I zawlaidi chun hnam tin,I dawi vet tawl hlak si a;
24. Mi thienghlim hai, zawlnei hai,Hnuoia that tahai thisen, I kutah a kai rawn si a"tiin.
←  Revelation (18/22)  →