←  Psalms (98/150)  →

---

1.

LALPA kuomah hla thar sak ro,Thil ropuihai a mi thawpek;A kut chang tieng ban thienghlimin,Sandamna a hung intlun a.

2.

LALPAN hnam tinrenghai kuomah,A sandamna a'n hriettir a,A'n dikzie khom a puong lang bok.

3.

Israel sungkuo ta dinga,A hmangaina le ringumna,A theinghil ngai hrim hrim naw a,Hnuoi kil tawpa chenghai khomin,Pathien sandamna chu an hmuh.

4.

Leihnuoia chenghai po poin,LALPA inpaka khek suokin,Rimawi remin lawm hla sak ro.

5.

Tingtang keia rimawi remin,Zaiin LALPA chu inpak ro.

6.

Tawtawrawt le beram ki hai,Mutin Laltak LALPA hmaah,Lawmna hla remin khek suok ro.

7.

Tuipui le a sunga chenghai,Insawkin khek dur dur hai sien,Khawvel le a sunga chenghan,Chuong ang chun thaw ve raw hai se.

8.

Vadunghan kut ben hai sien la,Tlanghan lawm hla sak ruol raw se.

9.

LALPA a hung, hnuoi ro rel din,A hmaah lawm hla rem raw se;Khawvel chungah indik takin,Ro a hung rel ding a ni si.

---

←  Psalms (98/150)  →