| ← Psalms (97/150) → |
| 1. | LALPA chun ro a rel ie,Hnuoi hi lawmin hlim sien la,Thlierkarhai khom hlim raw se. |
| 2. | Sum le thim mupin a'n tuom,A lalthungpha nghatsan chu,Rorelna indik a nih. |
| 3. | A hmaa meichok lawn chun,A hmelmahai a lem zo. |
| 4. | A kawlphe'n khawvel a en,Hnuoiin a hmuh, a'n thin hawp. |
| 5. | Tlanghai chu khuoihlu angin,LALPA hmaah an zop thla,Hnuoi hmun tin LALPA hmaah. |
| 6. | Vanhan a felna an puong,Khawvela hnam po poin,A ropuizie chu an hmuh. |
| 7. | Milem betu po po leMilim hmang lo suongtuhai,Inzak takin a siem tawl.Ama be ro, pathienhai! |
| 8. | Zion-in a hriet, a lawm,Judai ram khaw tinhaiin,I rorelna thu hrein,An hlim nasa ngei, LALPA! |
| 9. | LALPA, hnuoi chung po poa,A Chunghnungtak nang i na,Pathien danghai i khum vong. |
| 10. | Suol theidatu taphot chun, LALPA chu a lawm hlak a,wA mi thienghlimhai vengin,Mi suol lakah a hum hlak. |
| 11. | Mi indikhai chunga chun,Ni eng mawi a'n zamtir a,Lungrila mi ngil ta di'n,Lawmna eng a'n zamtir hlak. |
| 12. | Aw, nangni mi indikhai,LALPAA chun lawm unla,A hming thienghlim inpak ro. |
| ← Psalms (97/150) → |