←  Psalms (96/150)  →

---

1.

Hla thar LALPA rempekin,A'n pakna hla chu sak ro,Hnuoi hmun tinah zai remin, LALPA inpakin sak ro.

2.

LALPA kuomah hla sakin,A hming chu inpak unla,A sandamna thu hrilin,Sunni tinin puong dar ro.

3.

A ropuizie thu hrilin,Hnam tin lai puong dar unla,A thilmak thawhai khom chuMi tinreng lai hril dar ro.

4.

LALPA chu a ropui a,Inpak tlak takzet a nih.Pathien dang po po nekin,Ama ti tak ding a nih.

5.

Hnam danghai pathienhai chu,Mi lem mei mei an ni a,Sienkhom ei LALPA ruok chu,Vanhai siemtu a ni si.

6.

A hmaah ropuina leChawimawina chu a som a,Thilthawtheina le mawinan,A hmun thienghlim chu an nghak.

7.

Hnam tin chi tina mihai,Ropuina le hratna hi,LALPA zar a nih hrein,Chawimawina ama pe ro.

8.

A hming ropuizie phuin,Chawimawina LALPA pein,In thilpekhai hung chawiin,A tuolzawla chun hung ro.

9.

Thienghlimna thuom inbelin,LALPA hung chawibiek unla,Hnuoia chenghai po po khom,A hmaah inthin raw se.

10.

"LALPA chun ro a rel ie.Hnuoi hi inhning lo dingin,Aman a rem nghet tlat a.Mi tin chungah fel takin,Ro a rel ding a ni si"Tiin hnam tin hril vel ro.

11.

Vanhai, hlim zai vawr unla,Hnuoiin lawm hla rem raw se;Tuifinriet le a sungaUmhai khek dur dur raw se.

12.

Ram le a sunga umhai,Hlimin lawm seng raw hai se,Ramngaw thinghai chen khomin,Lawm hla sakin khek raw se.

13.

Hnuoi chungah ro rel dingin,LALPA a hung mek a nih;Khawvel chungah fel takin,Ro chu hung relpek a ta,Indik takin mi tinreng,An chungthu relpek a tih.

---

←  Psalms (96/150)  →