←  Psalms (91/150)  →

---

1.

Chunghnungtak thla hnuoia khawsa,Iengkimthawthei bula chengtu'n,

2.

"Ama chu ka'n bikna kulpui,Ka ring Pathien ngei chu a nih"Tiin LALPA thu puong ka tih.

3.

Chang a'nthokin san suok a che,Hripui tium lak a'nthokin.

4.

I chung zawnah thla zar a ta,A thla hnuoiah inbing i ta,A ringumna chu i phaw leI kul dai lo ni tang a tih.

5.

Zan thim rapum ti nawng i tih,Suna thal inleng velhai khom;

6.

Zana vetu che hrilenghai,Sun changa hripui leng lakah,Sietna ieng khom ti naw ti nih.

7.

I voi tieng a sang tel tluin,I chang tieng sing tel tlu sienkhom,Tawk ve naw hrim hrim a ti che.

8.

Mi rilohai a hrem dan chu, I mit ngeiin la thlir i tih.

9.

Chunghnungtak runpuiah cheng a,Ka bel LALPA i bel ve chun,

10.

Thil tha loin nang nawng a che,Sietnan tlakbuok bok naw ni che.

11.

Vantirkohai thu peng a ta,I lam tinah veng an ti che;

12.

Kutin chawi kang an ti che a,Lungah i ke sui naw ti nih.

13.

Sakeibaknei le rulriel hai,I kein la sir deng i ta,Sakeibaknei vanglai ngei chu,Rulpui leh la sir deng i tih.

14.

LALPA chun hieng ang hin a tih:"Aman a mi hmangai leiin,Ama chu san suok ngei ka ta, Ka hming a pom tlat hlak leiin,Ama chu humhal tlat ka tih.

15.

Mi ko a ta, lo don ka ta,Harsatnaah umpui ka ta,San suok ka ta, chawimawi ka tih.

16.

Dam sawtnan suklungawi ka ta,Ka sandamna chu hmung a tih."

---

←  Psalms (91/150)  →