←  Psalms (90/150)  →

---

1.

LALPA, nang chu suon po po a,Kan cheng himna in chu i nih.

2.

Tlanghai i hung indin suok hma,Hnuoi le khawvel i siem hma daih,Chatuon a'nthok chatuon chenin,Nang chu kan Pathien i ni si.

3.

"Kir ro, hriem nauhai" i ti pha,Pilvutah kan kir nawk diel hlak.

4.

I ngaia chun kum sangkhat khom,Zani liem tah ang chauh a na,Zan veng khat ang chauh a ni si.

5.

Tui lien angin i len hmang a,Thang khat insim ang chauh a na,Zingkara hlo mawng ang a nih;

6.

A'n thang lien a, a hung par a,Zan tieng vuoiin a rem nawk hlak.

7.

I lungsenin a mi hlieu a,I lung chokin a mi thlabar.

8.

Kan bawsiethai i hmu vong a,Kan suol thaw rukhai chen khomin.

9.

I lunginsenna hnuoia chun,Kan ni tin nun hi a liem a,Beidong inthuok bong hak ang hin,Dam lai ni hi kan hmang zo hlak.t

10.

Kan dam sung chu kum sawmsarih,Hrisel leiin kum sawmriet khom;Dam sawt chu rimsik tuor sawtna,Lungngai sawtna chauh a ni si.Inrangtakin a liem hmang a,Kan vuong hmang nawk diel hlak a nih.

11.

I lungsen natzie hre phak a, I tium anga ti nachang,Hre phak tu hrim am an um a?

12.

Kan dam lai nihai tiem dan dik,uNangman mi hung inchuktir rawh,Lung var kan nei phana dingin.

13.

Aw LALPA, hung ngha kir ta rawh.Ieng chen am i mi tosan ding?I siehlaw hi lunginsiet rawh.

14.

I hmangaina chuoi ngai lo chun,Zingkar hin mi hung hrai tlai rawh,Kan ni tinhai chu hlim taka,Kan intawi liem theina dingin.

15.

Rinumna le thil tha nawhai,I mi'n tuortir hun chen hu bek,Hlimnain mi'n chenchiltir rawh.

16.

I siehlawhai mithmua ngei,I thilthawhai inentir la,An suon le parhai kuoma khom,I ropuizie hi puong lang rawh.

17.

LALPA Pathien ditsakna chu,Kan chungah vurin um sien la,Kan kut sinthaw hung suknghetin,Kan kut hi mal hung sawm raw se.

---

←  Psalms (90/150)  →