←  Psalms (9/150)  →

---

1.

Ka lungril po poin LALPA,I kuomah lawmthu hril ka ta,I thilmak thawhai puong ka tih.

2.

Nangmaah lawmin hlim ka ta,Aw Chunghnungtak, i hming chawiin,Zai hla remin inpak ka che.

3.

Ka hmelmahai chu tlansiein,I hmaah an insui hlum a,

4.

Ka thangna tieng i mi tan a,I lalthungphaa inthungin,Indik takin ka thu i rel.

5.

Hnamhai chu zilin i kawk a,Mi suolhai i sukbohmang a,An hminghai chu kumkhuoa di'n,I thai bopek tawl ta si a.

6.

Kumkhawtluonga se song dingin,Hmelmahai i sukbohmang a,An khawpuihai i sukram a, Tu hriet hlaw hrim an um ta nawh.

7.

LALPA chu chatuon lal a na,Rorelna thungpha a'n din nghet.

8.

Felnan khawvel ro a rel a,Indik le thlei bik nei loin,Mi tin chungah ro a rel hlak.

9.

Neksawrhai ta din LALPA chu,An kulpui belbul tak a na,Harsat huna kulbing a nih.

10.

I hming hretu ringsan i na,Nangma zongtu che chu, LALPA,I thlathlam ngai hrim hrim si nawh.

11.

Ziona thung LALPA ta din,Inpakna hla chu sak unla,A thilthawhai chu inzawtin,Hnam tin kuomah chun puong dar ro.

12.

Thisen phuba la hlaktu chun,Ngaivenin a hriet zing tawl a,Tuorhai tap ri a'n nghil ngai nawh.

13.

Aw LALPA, mi lunginsiet la,Hmelma kut ka tuor hi en ta!Thina kho tlanga inthokin,LALPA, nangin mi san suok la,

14.

Zion Naunud kotsuoa chun,Ka'n pakna che chu puong darin,I sansuokna chu lawm ka tih.

15.

Hnamhai chu anni khur cho ngei,Tlakholah chun an tla lut a,An len chang kam ruk ngeia chun,An kehai an tang tah a nih.

16.

A rorelah LALPA a'n puong,Mi rilohai chu anni kam,Changa ngei chun an inawk hlak.

17.

Mi rilohai chu Seole tieng,Pathien ngaisak lo hnamhai leh,An rengin kir nawk diel an tih.

18.

Retheihai thlathlam zing naw nih,Tuorhai beisei thlawn song naw nih.

19.

Aw LALPA, nang hung tho suok la,Mihriemin hnena chang naw sien,Hnamhai chungah ro hung rel rawh.

20.

LALPA, anni sukthlabar la,Mihriem el an nizie thu hi,Hnam tin kuomah inhriettir rawh.

---

←  Psalms (9/150)  →