←  Psalms (86/150)  →

---

1.

Aw LALPA, i na lo daw la,Ka kona che mi hung don rawh,Rethei le pasie ka ni hih!

2.

I ta dingin ka hung inpek,Ka hringna mi veng himpek rawh.Nangma ringtu, i siehlaw hi,Nangin mi hung san him ngei rawh,Nang ka Pathien i ni si a.

3.

Aw LALPA, mi lunginsiet rawh,Sunnithlakin ka ko che hi.

4.

I siehlaw hi mi sukhlim la,LALPA i kuom tieng ka hung ngha.

5.

LALPA, i va tha ngei de aw,Ngaidam dingin i'n pei zing a, Nangma lamtu taphot chungah,I hmangaina a chuoi ngai nawh.

6.

LALPA, ka tongtai ngaithla la,Zangaina ngena ka ko hi,Mi lo ngaithlapek hram rawh khai.

7.

Beidonga ka ko chang chein,Nangin i mi don hlak si a.

8.

Aw LALPA, pathienhai lai hin,Nang ang tu khom an um der nawh;I thaw ang thaw thei an um nawh.

9.

I siem hnam tinreng hai chun,I hmaah hunga chawibiekin,LALPA i hming chawimawi an tih.

10.

Nang chu i ropui takzet a,Thil mak tam tak i thaw hlak a,Nang chauh hi Pathien chu i nih.

11.

LALPA, i dan mi'n chuktir la,I thutakah kal chawi ka tih;I hming ka ti zing theina di'n,Lungril sakhat mi'n puttir rawh.

12.

Ka lungril po poin LALPA,Inpak ka che, aw ka Pathien,Kumkhuon i hming chawimawi ka tih.

13.

I mi hmangaina a'n thuk a,Seola liem thla el ding kha,Nangin ka thla i san suok tah.

14.

Aw Pathien, mi uongthuonghai leNangma poisa lo nunrawnghan,Beiin mi that an tum a nih.

15.

Sienkhom LALPA, nangma ruok chu,Mi ngilnei le hmel tlai em em,Lung inuoi le hmangaina hauh,Pathien ringum tak el i nih.

16.

Zangaiin ka tieng hung ngha la,I siehlaw hi hung sukhrat la,I siehlaw nu nau hi san rawh.

17.

Ka hmelmahai hmu hoia ngei,Ka chunga hin that insuo la,Inzakin an hmai thum raw se.LALPA nang chu mi thangpuia,Mi thlamuongtu i ni si a.

---

←  Psalms (86/150)  →