Psalms (85/150)  

1. Aw LALPA i ditsakna chu,I ramah hung inlangtirin,Jakob i sukhmuingil nawk tah.
2. I mihai suolna ngaidamin,An suolhai i'n khum hmang a.
3. I lungsen chu inkei deiin,I lungpuomna i lakkir tah.
4. Mi Sandamtu aw kan Pathien,Nangin mi hung tungding nawk la,Kan chunga i lung ni nawna,Mi hung la hmangpek hram rawh khai!
5. Kan chunga chauh lungsen loin,Suon hung pei dinghai chunga khom,I lungsen a re naw ding maw?
6. I mihai hi nangma chungah,Kan hung hlim nawk theina dingin,I mi chokhar nawk naw ding maw?
7. I hmangaina chuoi ngai lo chu,Kan chungah inlangtir nawkin,Mi hung sandam rawh, aw LALPA.
8. LALPA Pathienin ieng thu am,A hril ka ngaithlak ding a nih:Suola an kir nawk naw phot chun,A mihai le mi thienghlimhai,Lungrila pantuhai kuomah,Inremna thuthlung a tiem a;p
9. Ei rama hin a ropuina,A hung cheng zing theina dingin,A tituhai chu ieng lai khom,Sandam dingin a'n pei zing hlak.
10. Hmangaina le ringumna haiHung luong khawm diel diel tang an ta;Indikna le inremna haiInkuoin infawp ton an tih.
11. A ram leilungah ringumna,A tharin indawn suok a ta,Indikna chu vana inthok,Hung inzam thla ngei bok a tih.
12. LALPAN thil tha'n mi vur a ta,Ei ram tharsuok hnienghnar a tih.
13. Indikna chun hma thuoi a ta,A lampui ding buotsai a tih.

  Psalms (85/150)