←  Psalms (83/150)  →

---

1.

Aw Pathien, to zing naw la,Aw Pathien, re tok tok naw.

2.

I hmelmahai inhrosain,An lu an lei but but el hi!

3.

I mihai chu vervek tak a,An bei dan ding an phan ruk a;I ditsakhai chu an phierruk.

4.

"Hung ro, an hnam nuoi bo ei tiu,Israel hnam bo song raw se"Tiin an inhawr khawm a nih.

5.

Thangruolin thu an phierruk a,Do ding che'n an inthukop a-

6.

Edom mihai, Ismail thla hai,Moab mihai, Hagar thlahai.

7.

Gebal, Amon, Amalek hai,Filistin le Tura mihai,

8.

Lota thlahai chu san dingaHung inthok Asuria mihai.

9.

Midian mihai i thaw ang khan,Anni khom hi hung thaw ve rawh,Kison ruoma Sisera leJabin hai i thaw ang el khan,

10.

Endor khuoa i sukhlumhai,An ruong chu hmunhnok ang ela,Hnuoia peihawn a ni ang khan.

11.

Oreb le Zeba hai angin,An mi lienhai chu hung siem la,Zeba le Zalmon hai angin,An lalhai chu hung siem bok rawh.

12.

"Pathien ram dit lai ngei el chu,Hluo suokpek ei tiu" an ti si.

13.

Aw ka Pathien, anni rawi chu,Kokbong angin hung len hmang la,Bu si inleng ang chang raw se.

14.

Meiin rampui a lem angin,Mei chokin tlang a kang angin,

15.

Thlisiein inhnottir tawl la,Thlipuiin nuoi hrep tawl raw se.

16.

An hmai inzaknan inkhum la,LALPA, i hming lam tang an tih.

17.

Inzakin muolpho rop hai sien,Hming se nengin bohmang raw se.

18.

I hming JEHOVAH hi zong sien,Nang chauh hi khawvel pumpuia,A Chunghnungtak i nizie hi,Hung hre ve tawl tah raw hai se.

---

←  Psalms (83/150)  →