←  Psalms (81/150)  →

---

1.

Mi sukhrattu ei Pathien chu,Hlima inpakin hla sak ro.Jakob Pathien chu inpakin,Inring takin zaihla rem ro.

2.

Inpakna hlahai sak unla,Darbenthek le khuongte benin,Perkhuong tingtang rimawi rem ro.

3.

Thla thar det pha a lawmnain,Beram ki mut ri hlak unla,A arkai zan, Kut vanglaiin,A lawmnan mut ring bok hlak ro,

4.

Israelhai thaw hlak dinga,Jakob Pathien thupek a nih.

5.

Aigupta ram a fang vel lai,Ei hriet ngai der lo rawl hmang a,Josefa thlahai zawm ding a,A thupek chu a ni si a.

6.

"In rikphurhai ka lakhmang a,In leikhawr dom ka pei bok a.

7.

Lungzingin in mi hung ko a,Keiin ka lo san suok cheu a,Ka hung don cheu, ka'n bikna hmun,Van inrum kara inthok chun;Meriba tuiah ka fie cheu.

8.

"Aw ka mihai, ka thu ngai roKa zil mol mol cheu a ni hi,Aw Israel, ngai la ka ti ngei!

9.

Ram dang pathien be naw unla,Hnam dang pathien hmaa hrim hrim,Ieng lai khomin kun ngai naw ro.

10.

Aigupta a'nthok thuoisuoktu,LALPA in Pathien chu ka na,In bau ka ro, chawm ka ti cheu.

11.

"Sienkhom ka mihai chun ka rawl,An ngaithlak nuom ta si naw a;Israel chu ka hmaa hin,A hung tlu lut nuom ta der nawh.

12.

An lulul nasa em leiin,An thu'n ka'n tlattir tah a nih.

13.

"Ka mihaiin ka thu ngaiin,Israelhan ka lampui hi,Hung hraw nawk chu ni hai sien la,

14.

An dohai chungah kut rolin,Ka hnepek nghal ding a ni bah!

15.

LALPA theidatu hrim hrim chu,A hmaah ti'n inkon an ta,Chatuonin hremna tuok an tih.

16.

Nangni ruok chu, bu lai poaBu tha tak le lungpui khuoizu'n,Hung chawmin hrai tlai ka ti cheu".

---

←  Psalms (81/150)  →