←  Psalms (80/150)  →

---

1.

Aw, Israel vengtu Berampu,Ran anga Josefa thuoitu,I na mi lo dawpek hram rawh.Nang Cherubhai chunga inthung,I hmel eng hung inlangtir la,

2.

Efraim hai le Benjamin hai,Manase hai chunga ngei hin,I hratzie chu hung suklangin,Hungin keini mi san suok rawh.

3.

Aw Pathien, mi tungding nawk la,Sandama kan um theina din,I hmel eng mawi mi'n hmutir rawh.

4.

Aw kan LALPA, Iengkim Pathien,Ieng chen am i mihai hnina,I lung insensan ding a na?

5.

Mitthli buin i'n ringtir a,Nopuiin mitthli i'n dawntir.

6.

Tuolbawmha'n an mi cheksol a,Hmelma nuisaw kan inchang tah.

7.

Iengkim Pathien, mi tungdingin,Sandama kan um theina din,I hmel eng mawi mi'n hmutir rawh,

8.

Aigupta rama inthokin,Grep hruik bul chu i phawi dok a,Hnam dang umhai chu hnot suokin,Anni hmuna chun i phun a;

9.

A bul vel chu i'n thiel fai a,Nghet takin zung a hung thlak a,A ram phekin a'n zar duoi a.

10.

Tlanghai chu a zar hliep dup a,Sidar lien tak takhai lerah,A kauhai a'n zam kur luoi a.

11.

Thlang tuipuil chen inzam tlungin,Sak vadungpuim a'n zam kai a.

12.

Ieng leia a huon dai thiek a,Mi inlonhai lo thei dinga,Grep chu i siem el am a na?

13.

Sanghal ruolin an phir tan a,Thilhring tinrengin an fak siet.

14.

Iengkim LALPA, hung ngha kir la,Van a'nthokin mi zuk en la,I grep kung hi hung ngaisak rawh.

15.

I kut ngeia, i ta dingaI phun le suknghet kha a nih.

16.

I grep hruihai chu sat bongin,Meiah peiin an raw ta hi;I hmel inthim inhmutirin,Anni chu hung hal hlum tawl rawh.

17.

I chang tienga mihriem naupa,I ta ding lieua i sukhratChungah i kut hung innghat rawh.

18.

Chuongchun nghatsan ta nawng kan che,Nangin mi hung sukhar tawl la,I hming kan hung lam ding annawm.

19.

Aw kan LALPA, Iengkim Pathien,Mi hung tungding tawl nawk hram la,Sandama kan um theina din,I hmel eng mawi mi'n hmutir rawh.

---

←  Psalms (80/150)  →