Psalms (79/150)  

1. Aw Pathien, i rochung ram hi,Hnam danghaiin an hung run a,I tempul thienghlim sukporche'n,Jerusalem an sukchim vong.
2. Chungleng vatehai tlan dingin,I siehlawhai ruong an maksan;I mi thienghlimhai ruong ngei khom,Ramsahai tlan di'n an maksan.
3. Jerusalem khawlaia chun,An thisen tui ang a luong a,Vuitu ding tu khom an um nawh.
4. Kan tuolbawmhai diriem hlawin,Kan vela chenghai hmusit leAn nuizatbur kan chang ta hi.
5. LALPA, i lunginsenna hi,Ieng chen am a aw ding a na?I lung a sen song di'm a ni?
6. Nangma hre lo hnamhai chungah,I hming an lam nawna ramah,I lungsenna bun thla lem rawh.
7. Jakob sunghai an that zo a,An khuohai an sukram zo tah.
8. Kan pipuhai suolna maw chu,Kan chungah intlaktir naw la,I ngilneizie suklang vat rawh,Kan chan a chau ta em el hi.
9. I hming ropuina di'n, Pathien,Mi thangpui rawh, aw Sandamtu;I hming leiin mi san suok la,Kan suolnahai mi ngaidam rawh.
10. Hnam danghaiin iengti lei a, "An Pathien chu khaw lam a um?"An mi ti vet el am a na?I siehlawhai thisen phuba,I lak ngei ti hnam dang kuomah,Kan hmu ngeiah inlangtir rawh.
11. Lung in intanghai inrum ri,I kuomah hung tlung ngei sien la,Thi dinga an rel tahai chu,I ban tha hratin san suok rawh.
12. Aw LALPA, kan vela chengha'n,An cheksolna che phuba chu,A let sariin rul ngei rawh.
13. Chuongchun, keini i tahai hin,I rama tla i beramhan,Lawmthu hril kumkhuo tang kan ta,Suon a'nthoka suon nawk peiin,I'n pakna thu puong pei kan tih.

  Psalms (79/150)