←  Psalms (76/150)  →

---

1.

Judai ramin Pathien an hriet,Israel ramah a hming a'n thang.

2.

A puon in Salemah a um,A chengna chu Zion a nih.

3.

Chutaka chun hmelma thalhlawn,An phawsiel le an kawlhnamhai,An ralthuom a suksietpek vong.

4.

I ropuiin i eng phut el!Ral i thatna tlang a'nthoka,I hung kir ni khan i ropui!f

5.

An pasaltha, mi roktuhai,Saruokin an inthal phung a,An ral do thiemhai tu el khom,Kut lek thei hrim an um ta nawh.

6.

Jakob Pathien, i hal meu chun,Sakor le a chunga chuonghai,An che chang thei hrim hrim si nawh.

7.

A nih, i rapum hrim a nih,I lungsen pha i hma bulah, Tu am ngir ngam ding um an ta?

8.

Van a'nthoka thu i puong khan,Hnuoi chu tiin a to tok a-

9.

Hnuoia sirdehai san dinga,Rorel dinga i'n thok ni khan.

10.

Mihriem lungsen a na po leh,Nangma inpakna zuol a ta;I lungsen tuor muolsuohai chun,Nang belin inpak an ti che.g

11.

LALPA in Pathien hmaa chun,In thu tiemhai hlen ngei unla;In kawl vela cheng po pohan, Tidingpa kuoma chun hungin,Thilpek hung inhlan raw hai se.

12.

Ama chun lalhai lungril khom,A sukdul thei vong tlat leiin,Khawvel lalhan an ti a nih.

---

←  Psalms (76/150)  →