←  Psalms (75/150)  →

---

1.

LALPA, lawmthu kan hril che,I hming hi a'n ri zing a,Chuleiin lawmthu kan hril;I thilthaw ropuizie hi,Mihaiin an hril luoi luoi.

2.

Nang chun hieng hin i hril a:"A hun ding ka ruota chun,Indik takin rel ka ta,

3.

Hnuoi le a sunga chenghai,Insawiin inhning sienkhom,A'n nghatna ban phuntu le Chel nghettu chu kei ka nih.

4.

Chapohai, insuong naw'n la,Mi suolhai, lu ling naw ro,

5.

In ki'n van lei khum naw'n la,Ring sukfanin tong naw ro".

6.

Sak tieng, thlang tieng amanih,Thlaler a'nthok amanih,Chawisangna hi a hung nawh.

7.

Roreltu Pathien a na,A nuom nuom a suktlawm a,A nuom nuom a chawisang hlak.

8.

LALPA lungsenna no a,Uoiin chi tin chokpol chu,Phul but butin a um a;Chu chu la bun thlang a ta,Hnuoia mi rilohaiin,A hlek chen liek kawng an tih.

9.

Kei ruok chun Jakob Pathien,Kumkhuoin inpak ka tih.

10.

Mi suol ki chu tan a ta,Mi fel ki chawisang a tih.

---

←  Psalms (75/150)  →