Psalms (74/150)  

1. Aw Pathien, iengtizie a,I mi'n kiengsan dai a na?I beramhai laka hin,I lung a'n ling zing ding maw?
2. Tiena tlanga inthoka,I mi ni dinga i'n chawk,I rochan, i'n tlan hnam hi,I chengna Zion tlang leh,Nghil loin hung hre zing rawh.
3. Siet runpui a tlungna tieng,Kirin hung sir nawk hram la,Hmelmahan i hmun thienghlim,Iengkim an suksiet zo tah!
4. I hmun thienghlim sunga khan,Doral haw haw dur durin,An puonzar a'n khai fek fuk.
5. Ramngaw vat ding ang elin,Hreipui an inlet fur a,
6. A cheina thing ker mawihai,Hreiin an tuk siet mur mur.
7. I hmun thienghlim an raw ram,I chengna an sukporche.
8. "Hne chimit ei tiu" an ta,Kan rama Pathien bieknaHmun taphot an raw ram pei.
9. Inchikna mak a'n lang nawh,bZawlnei an um ta bok nawh;Hienga kan um chen ding hi,Tu khom a hrie kan um nawh.
10. Aw Pathien, hmelma deusaw'n,Ieng chen am i um ding chu?I hming an deu song ding maw?
11. Ieng dinga i kut kei a,I kut i hma sui zing am?Phar la, sukbohmang tawl rawh.
12. Aw Pathien, tien a'nthokin,Nangma chauh ka Lal i na,Hnuoi sandamtu chu i nih.
13. I thilthawtheina hmangin,Tuipui khom i vuok tan a,Rulpui lu i vuok koi a;
14. Leviathanc lu vaw koiin,Thlalera chenghaid fak din,A sa khom i pek tawl kha.
15. Tui hnarhai i sun suok a,Vadungtehai i siem a,Tui hnar kum hlun i khar bok.
16. Sun le zan i ta a na,´┐Żntu ni le thla i siem.
17. Hnuoiah ramri i kham a,Nipui le thlasik i ruot.
18. Aw LALPA, hmelmahaiin,An deusaw danhai che le,Mi intlaw ruolin i hming,An hril siet nasat dan hi,Theinghil ngai hrim hrim naw rawh.
19. Sakolhai kut thak nulnan,I vathue pe suok naw la,I mi, retheihai chan hi,Innghil songpek naw hram rawh.
20. I thuthlung kha hre zing rawh,Hmun inthimna kil tinah, Nunrawngna a hrang vel a,
21. Neksawrna tuortuhai hi,Muolphoin kir naw hai sien,Pasiehai le tlasamhan,I hming inpak raw hai se.
22. Aw Pathien, hung inthok la,I nina hung suklang rawh.Mi intlawhan sunnithlak,An deusaw che hre zing rawh.
23. Hmelma rihau chu ngai ta,An zuol tul tul a ni chu.

  Psalms (74/150)