←  Psalms (73/150)  →
1. Israela chungah Pathien a tha,Lungrila thienghlimhai chungah.
2. Kei chu ka'n sui thluk vang chang dam,Ka sir inphet vang chang a um;
3. Mi rilo vangnei ka hmu chang Mi chapohai ka'n hnar hle hlak.
4. Nat hlak nei ve reng reng lo hai,An thauin an inmum kung a;
5. Mi angin an buoi inrim nawh,Mi tuor ang an tuor ve bok nawh.
6. Uong hi an thi hli tak a na,Nunrawngnain an inthuom a.
7. Mit pawng hiel rak khopa thauin,Uong dan tawk chin lem an nei nawh.
8. Mi an nuisaw, an hrilsiet bok,Mi chungdelin an vau tom a.
9. An bauin van an hauh ngam a,An leiin hnuoi an pumbil bok.
10. Chu lei chun miha'n an huor a,An hril taphot an awi pei hlak.
11. "Iengtin am Pathienin a hriet?Chunghnungtakin hriet a nei maw?"Tiin an hril vel hlak si a.
12. Mi rilohai um dan tak chu:Ngaingam muta, hausak thur thur.
13. Ka'n vong thienghlim thlawn el am aw-Thil poi ka tawk naw sa khom a,
14. Sunnithlaka suknat tuor a,Tuk tin zilna ka tuor el hi?
15. Chuonga lo ti ve chu ni lang,I naua tiem tlak ni naw ning.
16. Hieng hi hriet thiem ka hang tum a,Sienkhom a lo harsa hle si.
17. Pathien hmun thienghlim ka lut chin,An tawp dan ding ka hmu chieng tah.
18. Hmun innalah i sie tawl a,Sietna khurah i thlak tawl a,
19. Mit khap kar loin sieng an ta,Rapthlak takin bohmang an tih.
20. Thanghar hnunga mang ang elin,I tho har pha chun aw LALPA,Hlim thla ang hnawl hmang tawl i tih.
21. Ka lungril a beidong chang a,Ka thlarau hmel a'n tur lai chun,
22. Invet phulin lung ka mawl a,I ta di'n sakol ang ka nih.
23. Sienkhom, i bul ka'n chu tlat a,Ka kut chang tieng i mi chel hlak.
24. Mi'n fuiin i mi keihruoi a,Nakie pha i ropuinaah,I mi thuoi lut ding a ni si.
25. Nang naw tu am vanah ka nei?Hnuoia khom hin nangma naw chu,Tu khom thlakhla dang ka nei nawh.
26. Ka taksa, lungril a chau thei,Sienkhom ka lungril sukhrattuLungpui nghet chu Pathien a na,Chatuona ka chanpuol a nih.
27. Nangma hlattu bohmang an ta,A'n phattu che sukbo i tih.
28. Ka ta di'n Pathien hnai a tha.LALPA Pathien chu belbulaHmang dingin ka lo thlang ta a,A thilmak thawhai hril ka tih.
←  Psalms (73/150)  →