←  Psalms (72/150)  →
1. I rorel thiemna chu Pathien,Lal hi hung inrochungtir la,Lal naupasal kuoma ngei hin,I'n dikna inrochungtir rawh.
2. I mihai chungah fel taka,Ro a hung rel theina ding le,Mi retheihai chungthua khom,Indik taka rel thei dingin.
3. I mihai ta dingin tlanghan,Malsawmna insuo hai sien la,Muolhan felna ra insuo sien!
4. Mi rimsihai humtu ni a,Tlasamhai phuhruktu niin,Neksawrtuhai sir de raw se.
5. Ni le thla khi an var sung phot,Thang la hung thar pei huna khom,Ama chu inlal zing sien la.
6. Hlo sam fai hlim chunga raw sur,Hnuoi chara inbaw huk huk a,Ruopui vanawn sur ang ni sien.
7. An lal sungin mi indikhai,Hung inthanglien tuol tuol hai sien,Thla khin a var a'n suo sung chun,Malsawmna pung tuol tuol raw se.
8. A lalram chun tuipui a'nthok,Tuipui dang ral chen huop sien la,Khawsak tuipuia inthokin,Thlang kawlrawn chen zu huop raw se.x
9. Thlalera cheng hnam tinhaiin,Chibai hung buk tawl hai sien la,A hmelmahan hnuoi liek raw se.
10. Tarsis le thlierkar hrang hrang a,Lalhai chun dawvan hung kaiin,Thilpek hung inhlan hai sien la,Seba le Saba lalhaiin, Thilpek hung inhlan raw hai se.
11. Lalhai a hmaah kun hai sien,Hnam tinin a rong bawl raw se.
12. Thangpui ngaia kotuhai chu,Thangpuiin hung somdawl tawl a ta,Santu nei lohai san a tih.
13. Rethei chauhai lunginsietin,Thi theina lakah hum a ta,
14. Neksawrtu le pawngnektuhaiLaka inthok san suok a tih,A mita chu an hlu si a.
15. Ama chu ngal fimin dam sien,Seba rama rangkachakhai,A kuomah hung pe raw hai se.A ta din tongtai zing hai sien,Ni tinin mal sawmpek raw se.
16. Ram puma chun a tontawin,Bu le thlai thar suok teu sien la;Muol tinah bu fawn dul dulin,Lebanon tlanga bu angaHlawkin ra hung insuo hai sien,Ram hlo hna inno dur angin,Hung inthang hlut hlut raw hai se.y
17. A hming chu kumkhawtluong khomin,Re ni um ngai hrim hrim naw nih,Nisa khi a var sung phot chun,A hming inthang zuol pei sien la,Hnam tinin a zar zo hai sien,'Mi hamtha a nih' ti raw se.
18. LALPA Pathien chu inpak ro,Israel Pathien chu inpak ro,Ama chauh hi a ni si a,Hieng thil makhai thaw hlaktu chu.
19. A hming ropui chu inpakin,Kumkhawtluongin chawimawi unla,A ropuinan hnuoi pumpui hi,Hung sip raw se. Amen, Amen.
20. Hi hi Jessai naupa DavidaTongtai tawpna chu a ni tah.
←  Psalms (72/150)  →