←  Psalms (7/150)  →

---

1.

LALPA Pathien, ka hung bel che,Mi hnottu lakah mi hum rawh;

2.

Keipuiin a pot thler angin,Santu ding tu khom nei loin,Mi kei nawi vong pal rawi an tih.

3.

LALPA Pathien, hieng hi thaw a,Ka kutin thil suol a tawk a,

4.

Keima le inrema um mi,Suola ka thungrul a ni chun,San boa hmelma ka rok chun,

5.

Ka hmelmahan mi hnot thlurin,Mi hung hnot khum dai hai sien la,Hnuoiah ka hringna sir hmatin,Pilvut lai mi sop ziel raw se.

6.

Lungsenin hung tho la, LALPA,Hmelma lungsen inturhai hi,Thoin mi zuk hrawkpek tam leh!Aw ka Pathien, nang hung tho la,An chungthu hi hung rel ta rawh.

7.

Mipui pung khawmhan i velin,Inhuol tlim hmur hai sien la che,Chung a'nthokin ro hung rel rawh.

8.

Mi tin rorelpektu LALPA,Ka felna phuin mi'n khi la,Aw Chunghnungtak, ka ringum phu'n,Ka chungthu hi mi relpek rawh,

9.

Felna Pathien, lungril hretu,Mi rilohai tawrotna hi,Nangman hung suktawppek vong la,Mi felhai chu hung suknghet rawh.

10.

Chung Pathien hi ka phaw a nih,Lungril ngilhai a sandam hlak.

11.

Roreltu fel Pathien a na,Ni tin a lungsen a re nawh.

12.

Tu khom sim nuom naw ta dingin,A kawlhnam tat ngei zing a ta,A thalngul kuoiin tin a tih.

13.

Thina hriemhrei a buotsai a,A thal chok thei khom a'n pei zing.

14.

Suolnain nau a'n paitirhai,Buoina naua vontuhai chun,Beidongna an hring suok ngei hlak.

15.

Tlakhol inthuk tak chotu chu,A khur choah chun tlang a ta,

16.

A buoina siem chun vaw letin,A nunrawngnan ama lu bur,A hung deng let nawk hlak a nih.

17.

A felna leiin LALPA chu,Inpakin lawmthu hril ka ta;LALPA Chunghnungtak hming ngei chu,Inpakin lawm hla sak ka tih.

---

←  Psalms (7/150)  →