Psalms (69/150)  

1. Aw Pathien, mi san suok rawh,Ka ring chen ka pil ta a,
2. Chirduma hin ka'n tang a,Sir san ding hrim a um nawh.Tui inthuk tieng ka pil tah,Tui fawnin a mi tuom vel.
3. Thangpuitu ka konaah,Ka lo chau zo der ta a,Ka dang khom a'n hil zo a,Pathien ka thlirna lamah,Ka mit khom a'n thim zo tah.
4. San boa mi theidatu,Ka sam zai nekin an tam;Khela mi sukse tumtu,An tamin an hrang hle a,Ka'n ruk naw khom thawluinan,An mi'n thung kirtir a nih.
5. Ka'n vetzie i hriet, LALPA,Ka thiem nawzie i lakah,Ieng khom thup ka nei der nawh.
6. Aw Lalpa, Iengkim LALPA,Nangma beiseituhai chu,Keima leiin tu el khom,Sukzakin um naw raw se.Aw, Israelhai Pathien,Nangma hung zongtuhai chu,Keima leiin tu el khom,Muolphoin um naw raw se.
7. I leiin hmusit ka tuor,Meng ngaina ka hriet ta nawh.
8. Ka unauhai laka khom,Mikhuol ka lo ni tah a,Ka nu nauhai laka khom,Ram dang mi ka lo chang tah.
9. I in ta dinga thahnem,Ka ngainan a mi lem zo,Cheksoltu cheksolna che,Ka chungah a tla ta si.
10. Tapa bu ka nghei changin,Mi'n an mi hmusit zui a,
11. Saiip ka sil chang khomin,Fiem pawlawtnan an mi hmang.
12. Kotkhara inthunghai chun,Hmusitin an mi nuisaw;Zu ruihan nuizatburah,An mi lo hmang bok si leh.
13. Aw LALPA, kei ruok hi chu,I lungawi lai huna hin,I kuom tieng ka hung tongtai;I hmangaina chuoi lo chun,San him di'n mi hung don rawh.
14. Chirdum a'nthok mi hum la,Ka pil hmang ding phal naw rawh;Mi theidatu lak a'nthok,Nangin mi hung san suok la,Li inthuk a'nthok khomin.
15. Tui lien mi'n chimtir naw la,Li rilin mi lem naw sien,Thlanin mi dol naw raw se.
16. I hmangaina le thatnan,Mi hung don ngei la LALPA,Zangaina i hau leiin,Ka tieng hin hung ngha hram rawh.
17. I siehlaw lakah i hmel,Thup naw la, mi don vat rawh,Ka bei a dong a ni hi!
18. Hung hnaiin mi san suok la,Hmelma lakah mi'n tlan rawh.
19. An mi hmusit dan i hriet,An mi sukhmaimawk dan khom,Ka hmelmahai i hriet vong.
20. An mi hang hmusit dan hin,Ka lung a sukse hle a,Chan lam boin ka um a;Mi lainat ka beisei a,Sienkhom an um der naw a,Thlahuoltu ding ka hmu nawh.
21. Ka bu-ah tur an pol a,Ka dangchar hnemna dingin,Zu thur an mi pek lem si.
22. An ruoi chu chang inchang sien,Inremna ruoi an kil khom,Bilah inchangpek raw se.
23. An mithai sukdelpek la,Khuo hrim hmu thei naw hai sien,An zang inkul song raw se.
24. I lungsen bun khum tawl la,Lungpuomin nang ching tawl rawh.
25. An chengna ram vong sien la,An in rausan chang raw se.
26. Vuok tuorhai an soisak a,Hliem tuorhai natzie dam chu,An titi inhnik a nih.
27. I hremna ding sukpung la,I sandamnaah chan reng, Inneitir hrim hrim naw rawh.
28. Hringna bua inthokin,An hming chu thai bo dai la,Mi felhai hming chuongnaah,An hming chuong ve naw raw se.
29. Kei na tuorin ka'n rum hi,I sandamnan aw Pathien,Nangin mi humhim tlat rawh.
30. Pathien hming zaia chawiin,Lawmthu leh inpak ka tih.
31. Chu chu Lalpa hmaa chun,Ran inhlan nekin a hlu,Bawngchal lien inhlan nekin.
32. Neksawrhan hmu'n lawm an ta,Nangni, Pathien zongtuhaiLungril khom tuoi thar a tih.
33. LALPAN retheihai a hriet,Saltanghai a'n zapui nawh.
34. Hnuoi le vanin inpak ro,Tuipui le a sunga mi,Thilhring cheng po po khomin.
35. LALPAN Zion hum a ta,Judai rama khuohai khom,Hung tungding nawk vong a ta,A mihai chun hluong an ta,Ram chu rochung tang an tih.
36. A siehlaw suonha'n ram chu,Hung rochung sawng pei an ta,A hming ngainatuhai chu,Chu rama chun cheng an tih.

  Psalms (69/150)