←  Psalms (68/150)  →
1. Pathien chu hung inthok dok sien,A hmelmahai hung phin dar sien,A hmaah tlan dar raw hai se.
2. Thliin meikhu a len angin,Nangin hung len hmang vong tawl la,Meia khuoihlu em tui angin,Misuolhai chu Pathien hmaah,Intui ral ve vong raw hai se.
3. Mi felhai chu hlim hai sien la,Pathien hmaah lawm hai sien la,Hlim le lawmin um raw hai se.
4. Pathien kuomah zai hla sakin,A hming chawimawiin inpak ro,Sum chunga leng chu chawimawi ro,A hming chu LALPA a ni si,A hmaa chun hlimin lawm ro.
5. Hmun thienghlima cheng Pathien chu,Fahrahai ta di'n pa a na,Hmeithaihai ngaituotu a nih.
6. Mi vakvaihai chu Pathienin,Chengna in a buotsaipek a,Intanghai chu a thuoi suok a, Hamthatnain a vur tawl aHel hmanghai chun ram tawl an hluo.
7. Aw Pathien, i mihai thuoi a,Hmun se ram i hrawpui lai khan,
8. Sinai tlangah, Pathien hmaah,Israel Pathien hmaa chun,Simkhawlei a'n hning dur dur a,Vanin ruo a'n bawtir huk huk.
9. Aw Pathien, ruopui vanawn hiel,Nangin i hang insurtir chun,I ram pek tawl hawp ta hnung chu,Hnawng ramah i hung siem thar a.
10. I miha'n umhmun an khuor a,I hnienghnarna chun aw Pathien,Retheihai i hung somdawl hlak.
11. LALPA chun thu chu a pek a,Nuhmei ruolin an puong dar a:q
12. "Lal le an sipai ruolhai chu,An tlan se hum hum el" tiin.In nghaktu nuhmei ruolhaiin,Rallak sumhai an insem a,An inkulna hmun ngeia chun,
13. Ran huonga riekhai chen khomin,Vathu lim, tangkaruoa siem,A thla ki rangka-dartui luon,An chang tawl ve phak hiel a nih.
14. Iengkim Pathien El Shaddaiin,Lalhai a hang phin dar zet chu,Zalmon-ar vur tla ang a nih
15. Aw Basans tlang mawi le ropui,Tlang sip insi khup el hai chu,
16. Ama rorelna hmun ding leKumkhuoa a chengna dinga,Pathienin a thlang tlang a na,Ieng leia in thik am a na?
17. A tawlailir a singa sing,A sanga sang tam tak leh chun,A hmun thienghlima thung dinginSinai thlalera inthokin,LALPA Pathien chu a hung ie.
18. A hmun insangah a kai a,A sal manhai a thuoi dum dum;Mihai thilpek a lo dong a,Hel hmanghai khomin an hung pek;Chu tlanga chun LALPA Pathien,A hung cheng zing theina dingin.
19. Ni tina phur mi sawk hlaktu,Ei LALPA le ei Sandamtu,Pathien inpakin um raw se.
20. Pathien chu ei Pathien a na,Aman a mi san him hlak a;Thina laka mi hum thei chu,Laltak ei LALPA chauh a nih.
21. Pathien chun a hmelmahai lu,Matheiloin vaw koi a ta,Suol ching mi lu inbukhai chu.
22. "Basan a'nthok hung thuoi ka ta;Tuipui li tuong a'nthok khomin.
23. An thisen chu la pal in ta,In uihaiin an dit tawkin,La liek an tih" LALPAN a tih.
24. I hmun thienghlim tieng chu pan a,I hung tung lai khan aw Pathien,Mipuiin an thlir thup che a,Ka Lal Pathien i fe lai chu.
25. Zaipawlhaiin hma an thuoi a,Rimawi remtuhan an zui a,A laia chun nunghak ruolin,Darbenthek an ben thek thek a.
26. " Pungkhawm lai Pathien inpak ro,Israelhai pungkhawmnaah,LALPA chu inpak ro" an tih.
27. An mi tlum tak Benjamin hnam,A hma tawnga chun an thang a,Juda hnama lal nauhaiin,An hnungah an zui dul dul a,Jebulun le Naftali hnam,Lalhai chun an hung zui bok a.
28. Aw Pathien, kha hmaa thilmak,I mi thawpek hlak ang bok khan,I thilthawtheina ngei el kha,Mi hung suklangpek nawk hram rawh.
29. Jerusalema i tempulLeiin i kuomah thilpekhaiLalhan hung inhlan an ti che.
30. Phairuong hmuna sa hrang tlahai,Bawng tuoi laia bawngchal huoi ang,Hnam tla khawmhai khu zuk zil rawh,Sie lakna ngot zongtuhai hi,I kein hung sirde tawl la,Indo chak dop dop hnamhai hi,Nangin hung phin dar vong tawl rawh.t
31. Chuongchun Aigupta a'nthokin,Ram palaihai hung tir an ta,Kusu ram khom Pathien hmaah,La hung intuklut ngei a tih.
32. Aw, hi khawvela lalramhai,Pathien kuomah zaihla sakin,LALPA inpakna hla sak ro.
33. Ama chu tiena tlanga um,Van insang chunga chuong a na,Inring takin a khek, ngai ro.
34. Pathien thilthawtheizie puong ro,Israel chunga lal a na,A hratna chu vanah a um.
35. A hmun thienghlima um Pathien,Israelhai Pathien ngei chu,A lo va tium ngei de aw!Hratna le thilthawtheina chu,A mihai kuomah a pek hlak.Pathien inpakin um raw se!
←  Psalms (68/150)  →