| ← Psalms (65/150) → |
| 1. | Aw Pathien, Zion tlangaInpak i phu hlie hlie a;I kuoma kan thutiem chu,Hlen ni la um ngei a tih. |
| 2. | Kan tongtaina ngaithlatu,Mi tinin pan an ti che. |
| 3. | Suolnan a mi chim laiin,Kan bawsiethai i ngaidam. |
| 4. | I bula cheng ve dinga,I thlanghai chu an hamtha,I tempul thienghlima mi, I hnienghnarna chu tlanin,Kan tlai ding a ni si a! |
| 5. | Aw mi Sandamtu Pathien,Rapthlak le indik taka,Thil thawin i mi don a,Kawl kil le tuipui tawp chen,Beisei innghatna i nih. |
| 6. | I hratnan tlanghai i'n din,Thilthawtheinan i sip a, |
| 7. | Tuipui inrum ri hum hum,Tuifawn insawk hlup hlup hai,Mipui so mur mur hai khom,Nang chun i sukre vong thei. |
| 8. | Hnuoi hmun tawpa chenghai khom,I thilthaw'n a rap tawl a;Ni a suok le tlak hunah,Lawmna hla a thangkhawk hlak. |
| 9. | Hnuoi i kan, tuiin i chawm,Rip takin i sukhnienghnar;Pathien vadung tinhai chu,Tuiin i sung sip vong a,I tiem anga bu le bal,Mihan an hau theina di'n. |
| 10. | Hnuoi rit thlur tin sukhnawngin,A tlanghai i sukruol a,Ruotuiin i sukhnip a,Thlai thar i'n thanglientir hlak. |
| 11. | Kum tawpah a tontawin,Bu le bal i'n thartir a,I tawlailir tina chun,Bu i sung vum hner hnur a. |
| 12. | Thlaler ram tawlah hlo hna,Inthangin a zing dum dur,Muol tin chu lawmnan i'n thuom. |
| 13. | Hlo hring duphai chu tlanin,Ran ruol an tla dup dup a,Phai zawlah bu a tlim hmur,Lawm hla sak ri a'n zam vel. |
| ← Psalms (65/150) → |