←  Psalms (64/150)  →

---

1.

Aw Pathien, mi ngaithla rawh,Nuor thusim ka hung inzawt.Hmelma tibaium lakah,Ka hringna mi humpek rawh.

2.

Phierrutu mi rilohai,Thil tha naw thaw tumtuhai,Mi suol pungkhawm laka chun,Nangman humin mi thup rawh.

3.

An lei chem anga ngei chun,Tong kha tak an hlap suok a,Thal angin mi an tin a.

4.

Poi tawk lo kap hlum tumin,A rukin an inchan a;An kap thut, kut an kei nawh.

5.

Suol thaw an tum ngar ngar a,Chang kam ruk an rel zing a,"Tu nam a hmu ding?" an tih.

6.

Thil tha lo an phan zing a,"Tu hriet suok ruol lo thaw dan,Tha tak kan hmu suok" an tih.Mihriem ngaituona ruk hi,A lo va vervek ngei de!

7.

Pathien chun a thal ngeiin,Anni chu kap thung a ta,Thawk-le-khatin sieng an ta,

8.

An baua thu suok ngei chun,Anni chu hung deng kirin,Sietna hung intlun a ta,A hmu photin lu thinin,Anni chu diriem an tih.

9.

Mi tinreng thlabar an ta,Pathien thilthaw chu puongin,A thilthaw ngaituong an tih.

10.

LALPA-ah mi fel hlim sien,Inhumhimnan hmang sien la,Lungrila mi ngilhai chun,Ama chu chawimawi raw se.

---

←  Psalms (64/150)  →