←  Psalms (61/150)  →

---

1.

Aw Pathien, ka kona ngai la,Ka tongtaina lo ngaithla ta'm!

2.

Lungzinga ka chau tlep changin,Hnuoi tawp a'nthok ka ko che a,Keima neka insang lem daih,Lungpuia chun mi hlangkai rawh.

3.

Hmelma laka ka'n bikna tak,Ka kulbing sang i ni si a.

4.

I thla zar hnuoi himna bel a,I puon inah kumkhawtluonga,Cheng song ka va hang chak de aw!

5.

Aw Pathien, ka thutiem hrein,I hming tituhai rochan chu,I mi'n changtir ve tah a nih.

6.

Lal dam chen ding sukseipek la,Tu mong benin indamtir rawh.

7.

I hmaa chun kumkhawtluongin,Aw Pathien, inlal zing sien la,I hmangaina le ringumnan,Ama chu vengin huol him rawh.

8.

I hming inpak kumkhuong ka ta,Ka thutiem hlen ni tin ka tih.

---

←  Psalms (61/150)  →