| ← Psalms (6/150) → |
| 1. | Lungsenin mi zil naw, LALPA,Lungpuom lai mi thunun naw rawh. |
| 2. | Aw LALPA, za mi ngaipek rawh,Chauin ka ongrop a ni hi;Aw LALPA, mi hung sukdam rawh,Ka ru le chang a na zo tah. |
| 3. | Ka thla a beidong em em a,Ieng chen top am, ieng chen hiel am,I mi tosan ding chu LALPA? |
| 4. | Ngha kirin mi hung san suok la,I hmangaina chuoi lo zarin,LALPA nangin mi sanhim rawh. |
| 5. | Fam tah hre zing che an um nawh,Seolaa inthokin tu'n am,An inpak hlak reng reng che a? |
| 6. | Ka'n rumnain ka chau zo tah,Ka mitthliin ka khum laizawl,Zan tin a far hu vong hlak a. |
| 7. | Lungngaiin ka mit a'n thim zo,Hmelma leiin a chau zo tah. |
| 8. | Nangni suol thawtu po po hai,Hla takah min kiengsan dai ro.Ka tap ri LALPAN a hriet tah. |
| 9. | Ka hnina LALPAN ngaithlain,Ka tongtaina LALPAN a pom. |
| 10. | Ka hmelmahai chu inzakin,Maktiin chi-ai hleng an ta,Hmai mawk takin kir nghal an tih. |
| ← Psalms (6/150) → |