←  Psalms (59/150)  →
1. Aw Pathien, hmelma lakah,Nangin mi hung san suok la,Mi dotuhai laka chun,Nangin mi hung hum him rawh.
2. Suol thawtuhai laka chun,Nangin mi hung san suok la,Thisen inruihai lakah,Nangin mi hung sandam rawh.
3. Aw LALPA, ka bawsiet leKa thaw suol lei ni loin,That tumin an mi'n chan a,Mi tawrot ruol an pung khawm.
4. Ieng thaw suol lo ni lang khom,Bei tumin an mi'n huol zing.Mi san dingin hung tho la,Ka chan harsatzie en tam!
5. Aw LALPA, Iengkim Pathien,Israel Pathien, hung thoin,Hnam danghai hi hrem tawl la,Dawhaa thil suol phiertu,Tu khom hla nei der naw rawh.
6. Zan tieng an inhawr khawm a,Ui anga mi inngurin,Khaw dung khaw vai an fang a.
7. Mi an bauh nasatzie hi,Hang ngaithla ve hrim hrim ta!An kam suok chu kawlhnam ngei,Inchemharnan a sip a,"Tu'm a mi ngaithla an um?"An la ti nawk ta deu deu!
8. LALPA, anni chu nangin,Hung nuizat tawl hleng i ta,Hnam tin nuizatbur i tih.
9. Aw ka Hratna, thlir ka che,Ka Pathien, ka kulpui nghet,
10. Ka hmangai Pathien i nih.Aman ka hma thuoi a ta,Mi hmusit hlaktuhai chu,Mi'n nuisawtir ngei a tih.
11. Aw LALPA, ka phaw i nih.Nangin anni that naw rawh,Chuong naw chun ka mihaiin,Anni theinghil rawi an tih;Invakvaitir tawl lem la,I hratnan suktlawm tawl rawh.
12. An bau suolin a sip a,An hmur thu suok tinreng khom;An chapo sietpui raw se,Tong sie inphur le khelhril,An hmang em em hlak si a.
13. Lungsenin sukbohmang la,Ram derin sukchimit rawh.Chuongchun, Jakob Pathienin,Ro a rel a nih ti hi,Kawl kil chen inthang raw se.
14. Zan tieng an inhawr khawm a,Ui anga mi inngurin,Khaw dung khaw vai an fang a.
15. Fak ding an dap vel ruoi a,Khop tawk an nga naw lem chun,Zan khuoin an inbauh hlak.
16. Kei ruok chun i hratzie hi,Hrilin inpak ka che a,I hmangaina chuoi lo chuZing hmangin inpak ka tih;Mangang nia ka'n bikna,Ka kulpui i ni si a.
17. Ka Hratna, nang chawimawiin,Hlain inpak ka ti che.Mi hmangaitu ka Pathien,Ka kulpui i ni si a.
←  Psalms (59/150)  →