←  Psalms (57/150)  →

---

1.

Aw Pathien, mi lunginsiet la,Ka chunga hin za hung ngai rawh.Ka thla inbikna nang i na,Sietna thlipui a'n kieng hma chun,I thla hnuoi hi bel zing ka tih.

2.

A Chunghnungtak Pathien ka ko,Ka ta dinga a tum tinreng,Inhlentir hlaktu Pathien chu.

3.

Van a'nthokin mi don a ta,Ama chun mi hung sanhimin,Mi peltuhai hung rau a ta,A lungsietna le ringumna,Pathienin inlangtir a tih.

4.

Sakeibaknei anga ti-um,Mi fa nuomhai lai ka um a;An ha chu thal le fei zum ang,An lei kawlhnam ngei ang a nih.

5.

Aw Pathien, vanhai khela khom,Nang chu ropui takin leng la,I ropuinan hnuoi sip raw se.

6.

Ka awkna di'n len chang an kam,Beidongin ka kun tlok tlok a;Ka lampuiah tlakkhur an cho,Sienkhom anni an tla tah lem.

7.

Aw Pathien, ka ring tlat che a,Inphet loa nang ring tlatin,Rimawi remin inpak ka che.

8.

Aw ka thla, nang hung tho har la,Tingtang le rimawi hai tumin,Khawfing hi hang ko chat ka tih.

9.

Hnam ze tin lai hin aw LALPANangma inpak ka ti che a,Mipui lai khom zaia chawiin,I'n pakna hla hung sak ka tih.

10.

I hmangainan van a khel a,I ringumnan van sum a pel.

11.

Aw Pathien, vanhai khela khin,Ropui takin nang chu leng la,I ropuinan hnuoi sip raw se.

---

←  Psalms (57/150)  →