←  Psalms (55/150)  →
1. Aw Pathien, ka hnina ngai la,Menah mi thlakpek lul naw rawh;
2. Mi ngaivenin mi hung don rawh,Buoinan a mi chim a ni hih.
3. Hmelma rawlin a mi hamzing,Mi rilohan an mi mel rum;Buoina ka chungah an siem a,Lungsenin an mi hrang khum ie.
4. Ka lung hi a'n lap dor dor a,Thi inlau zingin ka um a.
5. Titna'n thaah a mi man a,Inlauin ka'n thin dor dor a.
6. "Vathu ang thla nei ve lang chu,Chawl hadamna hmun ding zongin,Hla takah vuong hmang tang ka ta,
7. A nih, ram hla takah vuongin,Thlalerah umhmun khuor ka ta,
8. Thlipui le ruopui laka chun,Inbikna ding hmun him zongin,Fe hmang inrang ka tih" ka ta.
9. Aw LALPA, mi rilohai hi,An ngaituona sukchi-ai la,An tong khom hung sukbuoipek rawh,Inpawngnekna le inbeina,Khawpuia hin a sip si a.
10. Sun-zan zomin an invak a,Indemna le inhrilsietnan,A khawpui sung hi a sip a.
11. Sietna sipaihai an hrang a,Inpawngnekna le inhlemnan,Kotthler an rielsan ta ngai nawh.
12. Hmelmahan an mi nuisan chun,A tuor dan tak a la um a;Dotuhan an mi'n huol vel chun,Inbikruksan thei a ni bok.
13. Sienkhom nang i lo ni zing si,Keima ang ela ka ngai hlak,Ruolcham ang ela ka pawl ngei,
14. Ka titipui mel mel hlak le,Mipui ruola Pathien in tieng,Pana ka'n sompui hlak ngei kha!
15. Hmelmahai chu an hun tlung hma'n,Thinan hung nang thut tawl sien la,A hringhrana Seol panin,Muol liem thla diel tawl raw hai se,Suol bu khuorna an ni si a.
16. Kei ruok chun Pathien ka ko a,LALPAN mi hung sandam a tih.
17. Zing, sun, zan le ieng lai khomin,Ka'n rum ri a tlung tung zing a,Ka rawl lo hre ngei ngei a tih.
18. Mi dotu tam hle hai sien khom,Him takin mi san suok a tih.
19. Tiena inthoka roreltu, Pathien chun mi lo ngaithlain,Anni chu hung suktlawm a tih;An inlamlet nuom ngai naw a,Pathien tina an nei bok nawh.
20. Ka'n koppui chun a ruol doin,Kan thuthlung chu a bawsiet a.
21. A kam suok thu chu a thlum a,Nisienkhom a sungril takah,Indona lungril a put a;A bau hriek neka tlor lem chu,Kawlhnam ngei tak ang a ni si.
22. I lungkhamna po po hai chu,LALPA chungah innghat vong la,Aman sawk zangkhai a ti che,Mi felhai tluk phal ngai naw nih.
23. Mi rilohai chu aw Pathien,Khuorkhurumah pei tawl i ta,Thisen insuo hmang mihai leKhela inhlem ching mihai chu,An dam chenve khom dam naw nih.Kei ruok chu nangmaah ka'n nghat.
←  Psalms (55/150)  →