←  Psalms (54/150)  →

---

1.

I hmingin mi hum la Pathien,Ka thiemzie i theinan puong rawh.

2.

Ka tongtai ngaithla la Pathien, Ka hnina mi bengkhonpek rawh.

3.

Pathien poisakna hrim nei lo,Mi uongthuonghai chun mi beiin,Mi tawrothan that an mi tum.

4.

Mi thangpuitu Pathien a na,Mi tungdingtu LALPA a nih.

5.

Mi'n chan zingtu hmelmahai chu,An suolna chun deng kir tawl sien,I ringumnan sukbo tawl rawh.

6.

Keima lungril puoksuok ngeiin,Inthawina hung inhlan ka ta;LALPA, i hming a tha em a,Inpakin chawimawi ka ti che.

7.

Harsatna tinreng a'nthokin,Nangman i mi san suok leiin,Hmelmahai chungah hnena mit,Kan lo inlen thei tah a nih.

---

←  Psalms (54/150)  →