| ← Psalms (53/150) → |
| 1. | Mi invethai chun lungrilin,"Pathien a um nawh" an ti hlak.Hlemhle takin an khawsa a,Thil suol tirdakum an thaw a,Thil tha thaw hrim hrim an um nawh. |
| 2. | Pathien chun vana inthokin,Mihriem nauhai lai chun mi var,Pathien zong le thil hre thiem hrim,An um am ti'n a zuk thlir a. |
| 3. | An rengin ama nghatsantu,Hlemhlenaa sip vong an na,Thil tha thaw hrim an um naw a,Pakhat bek khom an um der nawh. |
| 4. | Hlemhlehan ka mihai fak ding,An fak ruk hmangpek hlak ti hi,Ieng dinga an hriet nawm a na?Pathien hlak an zong der si nawh. |
| 5. | Ti ding a um nawnaa khom,Ti dor dorin intom an ta;Nangma dotuhai ru ro chu,Pathienin pei dar vong a ta, Pathienin a hnawl tah leiin,Muolphoin an hmai mawk a tih. |
| 6. | Israel sandamna ruok chu,Zion a'nthok hung suok a ta,Pathienin anni tungding a,A hung sukhmuingil nawk pha chun,Jakob thlahai chu hlim an ta,Israel khom lawm tang a tih. |
| ← Psalms (53/150) → |